ജൂണ്‍ 21 ന് രാജ്യാന്തര തലത്തില്‍ നടക്കുന്ന യോഗാ ദിനത്തോട് അനുബന്ധിച്ച് പ്രത്യേക പരിപാടി
കുവൈത്ത് സിറ്റി : യോഗയുടെ ഏകീകരണ ശക്തി വെളിവാക്കുന്ന ഗ്ലോബല്‍ യോഗാ റിംഗ് പരിപാടി കുവൈത്തിലും നടക്കും.
ഇന്ത്യന്‍ എംബസിയുടെ നേതൃത്വത്തിലാണ് യോഗാ ദിനം ആചരിക്കുന്നത്. യോഗയുടെ ഏകീകരണ ശക്തി തെളിയിക്കുന്ന ഗാര്‍ഡിയന്‍ റിംഗായിരിക്കും പ്രധാന ആകര്‍ഷണം.
ലോകമെമ്പാടുമുള്ള ഇന്ത്യന്‍ നയതന്ത്ര സ്ഥാപനങ്ങളാണ് ഡിജിറ്റല്‍ ഫീഡിലൂടെ യോഗ റിംഗ് സംഘടിപ്പിക്കുക.
രാജ്യാന്തര യോഗാദിനമായ ജൂണ്‍ 21 ന് ചൊവ്വാഴ്ച രാവിലെ അഞ്ചിന് കുവൈത്ത് എംബസിയുടെ നേതൃത്വത്തില്‍ പരിപാടി ആരംഭിക്കും.
കുവൈത്ത് എംബസിയില്‍ നടക്കുന്ന പരിപാടിയുടെ തത്സമയ സംപ്രേഷണം ദൂരദര്‍ശനിലൂടെ കാണാനാകും.
കോമണ്‍ യോഗാ പ്രോട്ടോക്കോളിന്റെ ഭാഗമാകാന്‍ എംബസിയുടെ വെബ്‌സൈറ്റില്‍ രജിസ്റ്റര്‍ ചെയ്യണം.
ജപ്പാനില്‍ നിന്ന് ആരംഭിച്ച് ന്യൂസിലാന്‍ഡില്‍ അവസാനിപ്പിക്കുന്ന രീതിയിലാണ് സമയ മേഖലകള്‍ പ്രകാരം പരിപാടി ആസൂത്രണം ചെയ്തിരിക്കുന്നത്.
18-20 മണിക്കൂര്‍ നീളുന്ന പരിപാടിയാണ് ഇരുപതോളം രാജ്യങ്ങളിലായുള്ള ഇന്ത്യന്‍ നയതന്ത്ര കാര്യാലയങ്ങളിലൂടെ നടത്തുന്നത്.
ജൂണ്‍ 21 ന് മൈസൂരില്‍ നടക്കുന്ന മാസ് യോഗാ പരിപാടിയില്‍ പ്രധാനമന്ത്രി നരേന്ദ്ര മോദി പങ്കെടുക്കും.
