കോഴിക്കോട് തിക്കോടി പഞ്ചായത്ത് ഓഫീസിന് മുന്നില്‍ മുന്നില്‍ ഇന്ന് രാവിലെയോ ടെയാണ് സംഭവം. പഞ്ചായത്തിലെ താല്‍ക്കാലിക ജീവനക്കാരി കൃഷ്ണപ്രിയക്കും പ്രദേശ വാസിയായ നന്ദുവിനുമാണ് പൊള്ള ലേറ്റത്
കോഴിക്കോട്: പട്ടാപ്പകല്‍ പെട്രോളൊഴിച്ച് യുവതിയെ തീകൊളുത്തി യുവാവ് ആത്മഹത്യയ്ക്ക് ശ്രമിച്ചു. കോ ഴിക്കോട് തിക്കോടി പഞ്ചായത്ത് ഓഫീസിന് മുന്നില്‍ മുന്നില്‍ ഇന്ന് രാവിലെയോടെയാണ് സംഭവം. പഞ്ചാ യത്തിലെ താല്‍ക്കാലിക ജീവനക്കാരി കൃഷ്ണപ്രിയക്കും പ്രദേശവാസിയായ നന്ദുവിനുമാണ് പൊള്ളലേറ്റത്.
നന്ദു യുവതിയുടെയും തന്റെയും മേല്‍ പെട്രോളൊഴിച്ച് തീകൊളുത്തുകയായിരുന്നു.യുവതിയെ തീ കൊളുത്തിയ ശേഷം യുവാവും സ്വയം തീ കൊളുത്തി.ഓഫിസിലേക്ക് നടന്ന് വരികയായിരുന്ന ഇവരെ സംസാരിക്കാനെന്ന് പറഞ്ഞ് അരികില്‍ വിളിച്ചു വരുത്തിയാണ് പെട്രോളൊഴിച്ച് തീകൊളുത്തിയത്.
ഗുരുതരാവസ്ഥയിലായ ഇരുവരേയും കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. തീ കൊളുത്തിയ യുവാവ് യുവതിയുടെ അയല്‍ക്കാരനാണെന്ന് പ്രാഥമിക റിപ്പോര്‍ട്ടുകളുണ്ട്. ഇരുവരും പ്രണയത്തിലായിരുന്നുവെന്നാണ് പറയപ്പെടുന്നത്. യുവതിയെ കുത്തിപരിക്കേല്‍പ്പിച്ച ശേഷമാണ് തീ കൊളുത്തിയതെന്ന് തിക്കൊടി പഞ്ചായത്ത് പ്രസിഡന്റ് പറഞ്ഞു. ഇക്കാര്യം യുവാവ് ഡോക്ടറോട് പറ ഞ്ഞെന്നും പ്രസിഡന്റ് വ്യക്തമാക്കി.
