യന്ത്രത്തകരാർ, ദുബായ് വിമാനമെത്തിയില്ല; നെടുമ്പാശ്ശേരിയിൽ കുടുങ്ങിയത് 180 യാത്രക്കാർ.!

നെടുമ്പാശ്ശേരി: തിങ്കളാഴ്ച രാത്രി 11.30 ന് പുറപ്പെടേണ്ടിയിരുന്ന സ്പൈസ് ജെറ്റിന്റെ കൊച്ചി-ദുബായ് സർവീസ് മുടങ്ങി. യന്ത്ര തകരാറിനെ തുടർന്ന് വിമാനമെത്തതാണ് യാത്രക്കാരെ കുഴക്കിയത്. ദുബായിലേക്ക് പുറപ്പെടേണ്ട 180 യാത്രക്കാരാണ് നെടുമ്പാശ്ശേരിയിൽ കുടുങ്ങിയത്.തകരാർ പരിഹരിച്ച് ദുബൈയിൽ നിന്ന് വിമാനമെത്തിയാൽ ഉച്ചയ്ക്ക് ശേഷം യാത്രക്കാരെ ദുബായ്ക്ക് കൊണ്ടു പോകുമെന്ന് അധികൃതർ അറിയിച്ചു.