മുതിര്‍ന്ന മാധ്യമപ്രവര്‍ത്തകന്‍ കോടിമത ഒതേമംഗലത്ത് ആര്‍.ഗോപികൃഷ്ണ ന്(67) അ ന്തരിച്ചു. മെട്രോ വാര്‍ത്ത ചീഫ് എഡിറ്റര്‍ ആയിരുന്നു. കോട്ടയത്തെ സ്വന്തം വസതി യില്‍ വച്ചായിരുന്നു അന്ത്യം
കോട്ടയം: മുതിര്‍ന്ന മാധ്യമപ്രവര്‍ത്തകന്‍ കോടിമത ഒതേമംഗലത്ത് ആര്‍.ഗോപികൃഷ്ണന്‍ (67) അന്ത രിച്ചു. മെട്രോ വാര്‍ത്ത ചീഫ് എഡിറ്റര്‍ ആയിരുന്നു. കോട്ടയത്തെ സ്വ ന്തം വസതിയില്‍ വച്ചായിരുന്നു അന്ത്യം. അസുഖ ബാധിതനായി എറണാകുളം അമൃത ആശുപത്രിയില്‍ ചികിത്സ നടത്തി വരിക യായിരുന്നു. ഇന്ന് ഉച്ചയ്ക്കായിരുന്നു അന്ത്യം.
മൃതദേഹം കോട്ടയം കാരിത്താസ് ആശുപത്രി മോര്‍ച്ചറിയില്‍. സംസ്‌കാരം തിങ്കളാഴ്ച വൈകിട്ട് 4ന് സംസ്ഥാന സര്‍ക്കാരിന്റെ ഔദ്യോഗിക ബഹുമതികളോടെ കോട്ടയം മുട്ടമ്പലം നഗരസഭാ വൈദ്യുത ശ്മശാനത്തില്‍.
സംസ്ഥാന സര്‍ക്കാരിന്റെ മികച്ച മാധ്യമ പ്രവര്‍ത്തകനുള്ള പുരസ്‌കാരം രണ്ട് തവണ ലഭിച്ചിട്ടു ണ്ട് (1985,88).1989ലെ എം ശിവറാം അവാര്‍ഡ്, രാഷ്ട്രീയ റിപ്പോര്‍ട്ടിങില്‍ വി കരുണാകരന്‍ നമ്പ്യാര്‍ പുര സ്‌കാരം, കെ സി സെബാസ്റ്റ്യന്‍ പുരസ്‌കാരം, സി എച്ച് മുഹമ്മദ് കോയ പുരസ്‌കാരം തുടങ്ങി നിരവ ധി അവാര്‍ഡുകള്‍ ലഭിച്ചിട്ടുണ്ട്. ഡാന്‍ ബ്രൗ ണിന്റെ പ്രശസ്തമായ ഡാവിഞ്ചി കോഡ് പുസ്തകത്തിന്റെ മലയാള പരിഭാഷ നിര്‍വഹിച്ചിട്ടുണ്ട്.പ്രമുഖ പത്രപ്രവര്‍ത്തകനും കോം ഇന്ത്യ – കോണ്‍ഫഡ റേഷന്‍ ഓഫ് ഓണ്‍ലൈന്‍ മീഡിയ രക്ഷാധികാരികാരിയുമായ ആര്‍ ഗോപി കൃഷ്ണന്‍.
മൂവാറ്റുപുഴ നിര്‍മല കോളെജ്, പെരുന്ന എന്‍.എസ്.എസ് കോളെജ്, ബള്‍ഗേറിയയിലെ ജോര്‍ജ് ദി മിത്രോവ് ജേണലിസം ഇന്‍സ്റ്റിറ്റ്യൂട്ട് എന്നിവിടങ്ങളില്‍ വിദ്യാഭ്യാസം. ദീപികയില്‍ പത്രപ്രവര്‍ത്ത നം ആരംഭിച്ച ഗോപികൃഷ്ണന്‍ മംഗളം, കേരളകൗമുദി, മെട്രൊവാര്‍ത്ത എന്നിവിടങ്ങളില്‍ സേവനം അനുഷ്ഠിച്ചിട്ടുണ്ട്. ഗോപി കൃഷ്ണന്റെ നിര്യാണ ത്തില്‍ മുഖ്യമന്ത്രി പിണറായി വിജയന്‍, മന്ത്രി വി.എന്‍ വാസവന്‍, മുന്‍ മുഖ്യമന്ത്രി ഉമ്മന്‍ ചാണ്ടി, തിരുവഞ്ചൂര്‍ രാധാകൃഷ്ണന്‍ എംഎല്‍എ, എംപി മാരായ ജോസ് കെ മാണി, തോമസ് ചാഴികാടന്‍ തുടങ്ങിയവര്‍ അനുശോചിച്ചു.
