ബുധനാഴ്ച രാവിലെ 10 മണിക്ക് ചങ്ങനാശേരി വലിയ പള്ളിയിലാണ് കബറടക്കം. ചങ്ങനാശേരിയിലെ ആശുപത്രിയോട് ചേര്ന്നുള്ള ചാപ്പലില് പ്രാര്ത്ഥനക ള്ക്ക് ശേഷം ഭൗതിക ശരീരം മോര്ച്ചറിയില് സൂക്ഷിക്കും
ചങ്ങനാശേരി: ചങ്ങനാശ്ശേരി അതിരൂപത മുന് ആര്ച്ച് ബിഷപ്പ് മാര് ജോസഫ് പൗവത്തില് കാലം ചെയ്തു. 92 വയസായിരുന്നു. വാര്ധക്യസഹജമായ അസുഖങ്ങളെ തുട ര്ന്ന് ചങ്ങനാശേരി ചെത്തിപ്പുഴയിലെ സ്വ കാര്യ ആശുപത്രിയില് ചികിത്സയിലായിരുന്നു. ശ്വാസതടസം അടക്കമുള്ള അസുഖങ്ങളെ തുടര്ന്ന് ഇന്ന് ഉച്ചക്ക് 1.17ഓടെയായിരു ന്നു അന്ത്യം. ബുധനാഴ്ച രാവിലെ 10 മണിക്ക് ചങ്ങനാശേരി വലിയ പള്ളിയിലാണ് കബറടക്കം. ചങ്ങനാശേരിയിലെ ആശുപത്രിയോട് ചേര്ന്നുള്ള ചാപ്പലില് പ്രാര്ത്ഥനകള്ക്ക് ശേഷം ഭൗ തിക ശരീരം മോര്ച്ചറിയില് സൂക്ഷിക്കും.
1985 മുതല് 2007 വരെ ചങ്ങനാശ്ശേരി അതിരൂപതയുടെ ആര്ച്ച് ബിഷപ്പായിരുന്നു മാര് ജോസഫ് പൗവ ത്തില്. മുന് ഇന്റര് ചര്ച്ച് കൗണ്സില് ചെയര്മാനായിരുന്നു. ചങ്ങനാ ശേരി അതിരൂപതയിലെ കുറുമ്പ നാടം അസംപ്ഷന് ഇടവകയില് പൗവത്തില് കുടുംബത്തില് 1930 ഓഗസ്റ്റ് പതിനാലിന് ജനനം. പൗവ ത്തില് അപ്പച്ചന്-മറിയക്കുട്ടി ദമ്പതി കളാണ് ജോസഫ് പൗവത്തിലിന്റെ മാതാപിതാക്കള്. പുളിയാങ്കുന്ന് ഹോളി ഫാമിലി എല്പി സ്കൂള്, കുറുമ്പനാടം സെന്റ് പീറ്റേഴ്സ് ഹൈസ്കൂള്, ചങ്ങനാശേരി എസ്ബി ഹൈസ്കൂള്, എസ്ബി കോളജ് എന്നിവിടങ്ങളിലാണ് പ്രാഥമിക പഠനം.
1962 ഒക്ടോബര് മൂന്നിന് പൗരോഹിത്യം സ്വീകരിച്ചു. 1972 ജനുവരി 29ന് ചങ്ങനാശേരി അതിരൂപതയുടെ സഹായ മെത്രാനായി നിയമിതനായി. 1972 ഫെബ്രുവരി 13ന് റോമി ല് വച്ച് പോള് ആറാമന് മാര്പ്പാപ്പയി ല് നിന്നാണ് മെത്രാഭിഷേകം സ്വീകരിച്ചത്. ആര്ച്ച് ബിഷപ് മാര് ആന്റണി പടിയറയുടെ സഹായമത്രാനാ യാണ് നിയമിതനായത്. 1977 ഫെബ്രുവരി 26ന് കാഞ്ഞിരപ്പള്ളി രൂപത സ്ഥാപിക്കപ്പെട്ടപ്പോള് രൂപതയുടെ പ്രഥമ ബിഷപ്പായി നിയമിതനായി. 1977 മേയ് 12നാണ് സ്ഥാനാരോഹണം. മാര് ആന്റണി പടിയറ സീറോ മലബാര് സഭയുടെ മേജര് ആര്ച്ച്ബിഷപ്പായി നിയമിതനായതിനെ തുടര്ന്ന് 1985 നവംബര് അഞ്ചിന് ചങ്ങനാശേരി ആര്ച്ച്ബിഷപായി നിയമിതനായി.
1986 ജനുവരി 17ന് സ്ഥാനാരോഹണം. 22വര്ഷക്കാലം ചങ്ങനാശേരി അതിരൂപതയുടെ വളര്ച്ചക്കായി പ്രവര്ത്തിച്ച മാര് പൗവത്തില് സഭയുടെ ക്രാന്ത ദര്ശിയായ ആചാര്യ നായിരുന്നു. ക്രൗണ് ഓഫ് ദ ചര്ച്ച് എന്നാണ് സഭാപിതാക്കന്മാര് മാര് പൗവത്തിലിനെ വിശേഷിപ്പിക്കുന്നത്. 1993 മുതല് 1996വരെ കെസിബി സി പ്രസിഡന്റും 1994 മുതല് 1998വരെ സിബിസിഐ പ്രസിഡന്റും ആയിരുന്നു. 2007 മാര്ച്ച് 19ന് മാര് ജോസഫ് പൗത്തില് വിരമിച്ചു. മാര് ജോസഫ് പെരുന്തോട്ടം ചങ്ങനാശേരി ആര്ച്ച് ബിഷപ്പായി നിയമി തനായി.
