ദുബായ് : പുതുവർഷപ്പുലരിയിൽ ദുബായിൽ പൊതുഗതാഗതം ഉപയോഗിച്ചത് 25 ലക്ഷം പേർ. ഇതിൽ 11 ലക്ഷവും മെട്രോയിലാണ് യാത്ര ചെയ്തത്. മൊട്രോ, ബസ്, ടാക്സി, അബ്ര തുടങ്ങിയവയിലാണ് 25,02,474 പേർ യാത്ര ചെയ്ത് പുതുവർഷാഘോഷത്തിന്റെ ഭാഗമായത്.ദുബായ് മെട്രോയുടെ റെഡ്, ഗ്രീൻ ലൈനുകളിലായി മൊത്തം 11,33,251 യാത്രക്കാരും ദുബായ് ട്രാമിൽ 55,391 പേരും യാത്ര ചെയ്തു. പബ്ലിക് ട്രാൻസ്പോർട്ട് ബസുകൾ ഉപയോഗിച്ചത് 4,65,779 പേർ. മറൈൻ ട്രാൻസ്പോർട്ടിന് കീഴിലുള്ള ജലഗതാഗത സേവനങ്ങൾ 80,066 പേരും ടാക്സികൾ 571,098 യാത്രക്കാരും ഇ-ഹെയ്‌ലർ വാഹനങ്ങൾ 195,651 പേരും പ്രയോജനപ്പെടുത്തി. പുതുവത്സരാഘോഷ വേദികളിലേക്കും തിരിച്ചുമുള്ള യാത്ര സുഗമമായിരുന്നെന്ന് റോഡ്സ് ആൻഡ് ട്രാൻസ്പോർട്ട് അതോറിറ്റി അറിയിച്ചു.
