പഞ്ചായത്ത് തെരഞ്ഞെടുപ്പിന് ശേഷം നിരവധി നേതാക്കള് പാര്ട്ടിയിലേക്ക് വരാന് സന്നദ്ധത പ്രകടിപ്പിച്ചിട്ടുണ്ട്. യുഡിഎഫില് നിന്ന് പ്രത്യേകിച്ച് കോണ്ഗ്രസില് നിന്ന് പാര്ട്ടിയിലേക്ക് നിരവധി പേര് എത്തുമെന്നും ജോസ് കെ മാണി
കോട്ടയം : യുഡിഎഫിലെ നിരവധി നേതാക്കള് കേരള കോണ്ഗ്രസ് എമ്മിലേക്ക് വരാന് താത്പര്യം അറിയിച്ചുവെന്ന് ജോസ് കെ മാണി. ജനപി ന്തുണയും സ്വാധീനവും ഉള്ള നേതാക്കളാണ് യുഡി എഫില് നിന്ന് തന്നെ സമീപിച്ചത്. അവരുടെ പേര് ഇപ്പോള് വെളിപ്പെടുത്തുന്നില്ല. പാര്ട്ടി യുടെ അതത് ജില്ല കമ്മിറ്റികള്ക്ക് ഇത് സംബന്ധിച്ച് നിര്ദേശം നല്കിയിട്ടുണ്ടെന്നും ജോസ് കെ.മാണി പറഞ്ഞു.
പഞ്ചായത്ത് തെരഞ്ഞെടുപ്പിന് ശേഷം നിരവധി നേതാക്കള് പാര്ട്ടിയിലേക്ക് വരാന് സന്നദ്ധത പ്രക ടിപ്പിച്ചിട്ടുണ്ട്. യുഡിഎഫില് നിന്ന് പ്രത്യേകിച്ച് കോണ്ഗ്രസില് നിന്ന് പാര്ട്ടിയിലേക്ക് നിരവധി പേര് എത്തുമെന്നും ജോസ് കെ മാണി പറഞ്ഞു.
ജോസ് കെ മാണിയെ മുന്നിര്ത്തി കോട്ടയത്തടക്കമുള്ള നേതാക്കളെ എല്ഡിഎഫിലെത്തിക്കാന് സിപിഎം ശ്രമം നടത്തുന്നുവെന്ന് നേരത്തെ വാര്ത്തകള് പുറത്ത് വന്നിരുന്നു. കേരള കോണ്ഗ്രസ് ജോസഫ് ഗ്രൂപ്പിലേയും കോണ്ഗ്രസിലേയും നേതാക്കളെ മാണി വിഭാഗത്തിലേക്ക് എത്തിക്കാനാണ് നീക്കം.
അതേസമയം തന്നെ ഭരണപരിഷ്കാര കമ്മീഷന് ചെയര്മാന് സ്ഥാനത്തേക്ക് പരിഗണിക്കുന്നുവെ ന്ന വാര്ത്തകള് ജോസ് കെ മാണി തള്ളി.നില വില് പാര്ട്ടി ചുമതല വഹിക്കാനാണ് താല്പ്പര്യമെ ന്നും മറ്റെല്ലാം വാര്ത്തസൃഷ്ടിയാണെന്നും അദ്ദേഹം പറഞ്ഞു.
