തിരുവനന്തപുരം തോന്നക്കലിലെ ലൈഫ് സയന്സ് പാര്ക്കില് വാക്സിന് ഉല്പ്പാദന യൂണിറ്റ് സ്ഥാപിക്കാനൊരുങ്ങി സംസ്ഥാന സര്ക്കാര്
തിരുവനന്തപുരം: തിരുവനന്തപുരം തോന്നക്കലിലെ ലൈഫ് സയന്സ് പാര്ക്കില് വാക്സിന് ഉല്പ്പാദന യൂണിറ്റ് സ്ഥാപിക്കാനൊരുങ്ങി സംസ്ഥാന സര്ക്കാര്. മന്ത്രിസഭായോഗത്തിലാണ് തീരുമാനം. വാക്സിന് നിര്മ്മാണ പ്രോജക്ട് ഡയറക്ടറായി ഐഎഎസ് ഓഫീസര് ഡോ. എസ് ചിത്രയെ നിയമിക്കാനും തീരുമാനമായി.
ഡോ. കെ.പി. സുധീര് (ശാസ്ത്ര സാങ്കേതിക വകുപ്പ് പ്രിന്സിപ്പല് സെക്രട്ടറി) ചെയര്മാനും ഡോ. ബി. ഇക്ബാല് (സ്റ്റേറ്റ് ലെവല് എക്സ്പേര്ട്ട് കമ്മിറ്റി കോവിഡ് മാനേജ്മെന്റ്), ഡോ. വിജയകുമാര് (വാക്സി ന് വിദഗ്ദ്ധന്, ഡോ. റെഡ്ഡീസ് ലബോറട്ടറി, ഹൈദരാബാദ്), ഡോ. രാജന് ഖോബ്രഗ ഡെ(പ്രിന് സിപ്പ ല് സെക്രട്ടറി, ആരോഗ്യ കുടുംബക്ഷേമ വകുപ്പ്), ഡോ. രാജമാണിക്യം (മാനേജിംഗ് ഡയറക്ടര് കെ. എസ്. ഐ.ഡി.സി.) എന്നിവര് മെമ്പര്മാരായി വര്ക്കിംഗ് ഗ്രൂപ്പ് രൂപീകരിക്കും.
പ്രമുഖ കമ്പനികളുമായി ചര്ച്ചകള് ആരംഭിക്കുന്നതിനും എത്രയും വേഗം വാക്സിന് ഉല്പ്പാദനം സാധ്യമാക്കുന്നതിനും വര്ക്കിംഗ് ഗ്രൂപ്പിനെ ചുമതലപ്പെടുത്തി.
