കോണ്‍ഗ്രസ് പാര്‍ട്ടിയുടെ പ്രതിനിധി എന്ന നിലയിലാണ് കെ വി തോമസിനെ സിപി എം പാര്‍ട്ടികോണ്‍ഗ്രസ് സെമിനാറിലേക്ക് ക്ഷണിച്ചത്. ചിലര്‍ കെ വി തോമസിന്റെ മൂക്ക് ചെത്തിക്കളയും എന്നൊക്കെ പറയുന്നത് കേട്ടു. എന്നാല്‍ അദ്ദേഹത്തിന് ഒരു ചുക്കും സംഭവിക്കില്ല എന്ന് ഞങ്ങള്‍ക്ക് നല്ല ബോധ്യമുണ്ടായിരുന്നുവെന്ന് മുഖ്യമന്ത്രി പിണറാ യി വിജയന്‍
കണ്ണൂര്‍: കോണ്‍ഗ്രസ് പാര്‍ട്ടിയുടെ പ്രതിനിധി എന്ന നിലയിലാണ് കെ വി തോമസിനെ സിപിഎം പാര്‍ട്ടി കോണ്‍ഗ്രസ് സെമിനാറിലേക്ക് ക്ഷണിച്ചതെന്ന് മുഖ്യമന്ത്രി പിണറായി വിജയന്‍. കോണ്‍ഗ്രസ് പാര്‍ട്ടിയു ടെ പ്രധാനപ്പെട്ട നേതാവായി തന്നെയാണ് അദ്ദേഹം സെമിനാറില്‍ പങ്കെടുക്കുന്നത്. ചിലര്‍ കെ വി തോമ സിന്റെ മൂക്ക് ചെത്തിക്കളയും എന്നൊക്കെ പറയുന്നത് കേട്ടു. എന്നാല്‍ അദ്ദേഹത്തിന് ഒരു ചുക്കും സംഭ വിക്കില്ല എന്ന് ഞങ്ങള്‍ക്ക് നല്ല ബോധ്യമുണ്ടായിരുന്നുവെന്ന് പിണറായി പറഞ്ഞു.
കെ വി തോമസ് കോണ്‍ഗ്രസ് പാര്‍ട്ടിയിലെ പ്രമുഖ നേതാവാണ്. അദ്ദേഹം പങ്കെടുത്താല്‍ ചിലതെല്ലാം സംഭവിക്കുമെന്നാണ് ചിലര്‍ പറഞ്ഞത്. തോമസിന്റെ മൂക്ക് ചെത്തി ക്കളയും എന്ന് ചിലര്‍ പറഞ്ഞു. കെ വി തോമസ് പങ്കെടുക്കില്ല എന്നും ചിലര്‍ പ്രഖ്യാപിച്ചു. എന്നാല്‍ ഒരു ചുക്കും സംഭവിക്കില്ല എന്ന് ഞങ്ങള്‍ക്ക് ബോധ്യമുണ്ടായിരുന്നു. നാളെയും വലുതായൊന്നും സംഭവിക്കാന്‍ പോകുന്നില്ല. എങ്കിലും നാളെ കുറിച്ച് പ്രവചനം നടത്താന്‍ ഞാന്‍ ഉദ്ദേശിക്കുന്നില്ല’ – പിണറായി വിജയന്റെ പറഞ്ഞു.
ഹൈക്കമാന്‍ഡ് വിലക്ക് ലംഘിച്ച് സെമിനാറില്‍ പങ്കെടുക്കാന്‍ എത്തിയ കെ വി തോമസിനെ മുഖ്യമന്ത്രി അഭിനന്ദിച്ചു. സെമിനാറില്‍ പങ്കെടുക്കാനെത്തിയ കെ വി തോമസിനും,തമിഴ്നാട് മുഖ്യമന്ത്രി എം കെ സ്റ്റാലിനും വലിയ സ്വീകരണമാണ് ഒരുക്കിയിരുന്നത്.
