കളമശ്ശേരി ബസ് കത്തിക്കല്‍ കേസില്‍ മൂന്ന് പ്രതികള്‍ കുറ്റക്കാരെന്ന് എന്‍ഐഎ കോടതി. തടിയന്റവിട നസീര്‍,സാബിര്‍, താജുദ്ദീന്‍ എന്നിവര്‍ കുറ്റക്കാരാണെന്ന് കണ്ടെത്തി. ശിക്ഷ തിങ്കളാഴ്ച വിധിക്കും
കൊച്ചി: കളമശ്ശേരി ബസ് കത്തിക്കല്‍ കേസില്‍ മൂന്ന് പ്രതികള്‍ കുറ്റക്കാരെന്ന് എന്‍ഐഎ കോടതി. തടിയന്റവിട നസീര്‍, സാബിര്‍, താജുദ്ദീന്‍ എന്നിവര്‍ കു റ്റക്കാരാണെന്ന് കണ്ടെത്തി. ശിക്ഷ തിങ്കളാഴ്ച വിധിക്കും. ഈ മൂന്ന് പ്രതികളും കുറ്റസമ്മതം നടത്തിയിരുന്നു. ഇതോടെയാണ് പ്രതികള്‍ കുറ്റക്കാരാണെന്ന് കോടതി വിധിച്ചത്.
കേസിന്റെ വിചാരണ ഇതുവരെ പൂര്‍ത്തിയാക്കിയിട്ടില്ല. കേസില്‍ ആകെ 11 പേ രാണ് പ്രതികള്‍. ഒരാളെ നേരത്തെ വെറുതെവിട്ടിരുന്നു. കുറ്റക്കാരാണെന്ന് വി ധിച്ച മൂന്ന് പേരും വിചാരണ പൂര്‍ത്തിയാകും മുന്‍പ് തന്നെ തങ്ങള്‍ കുറ്റം ചെ യ്തതായി സമ്മതിക്കുകയായിരുന്നു. ഇതോടെയാണ് കോടതി മൂ വരും കുറ്റ ക്കാ രാണെന്ന് വിധിച്ചത്. 2010 ഡിസംബറിലാണ് എന്‍ഐഎ കേസില്‍ കുറ്റപത്രം സമര്‍ പ്പിച്ചത്. ബസ് ഡ്രൈവറുടെയടക്കം എട്ടു പേരുടെ മൊഴി രേഖപ്പെടുത്തിയെങ്കിലും ഫയലുക ള്‍ പിന്നീട് കാണാതായി. കേസിന്റെ വിചാരണ 2019ലാണ് തുടങ്ങിയത്.
അബ്ദുല്‍ നാസര്‍ മദനി ജയിലില്‍ കഴിയുമ്പോള്‍ തമിഴ്നാട് സര്‍ക്കാരിനെതിരായ നീക്കം എന്ന നില യിലാണ് കളമശ്ശേരിയില്‍ വച്ച് തമിഴ്നാട് ബസ് തട്ടിയെടുത്ത് കത്തിച്ചത്. പിന്നില്‍ വലിയ ഗൂഢാലോ ചന നടന്നതായി നേരത്തെ കണ്ടെത്തിയിരുന്നു. മദനിയുടെ ഭാര്യ സൂഫിയ മദനി അടക്കമുള്ളവര്‍ കേസില്‍ പ്രതികളാണ്. ഇവരടക്കമുള്ളവര്‍ വിചാരണ നേരിടാനിരിക്കെയാണ് മുഖ്യ പ്രതികള്‍ കുറ്റം സമ്മതിച്ചത്.
കോയമ്പത്തൂര്‍ സ്ഫോടനക്കേസില്‍ ജയിലില്‍ കഴിഞ്ഞിരുന്ന പിഡിപി നേതാവ് അബ്ദുള്‍ നാസര്‍ മഅ ദനിയെ മോചിപ്പിക്കണമെന്ന് ആവശ്യപ്പെട്ടുകൊണ്ടുള്ള പ്രതിഷേധത്തിനിടെയാണ് കളമശ്ശേരിയില്‍ ബസ് കത്തിച്ചത്. 2005 സെപ്റ്റംബര്‍ 9 നായിരുന്നു സംഭവം. എറണാകുളത്തെ കെഎസ്ആര്‍ടിസി ബസ്റ്റാന്‍ഡില്‍ നിന്ന് സേലത്തേക്ക് പോകുന്ന തമിഴ്നാട് ട്രാന്‍സ്പോര്‍ട്ട് ബസാണ് അക്രമികള്‍ തോക്ക് ചൂണ്ടി തടഞ്ഞത്. രാത്രി 9.30 നായിരുന്നു അക്രമം. ബസില്‍ നിന്ന് യാത്രക്കാരെ ഇറക്കിവിട്ട ശേഷം വാഹനം പെട്രോളൊഴിച്ച് കത്തിക്കുകയായിരുന്നു.
