ദക്ഷിണ അഫ്ഗാന്‍ നഗരമായ കാന്ദഹാറിലെ അഫ്ഗാനില്‍ ശിയാ പള്ളിയില്‍ പ്രാര്‍ത്ഥനയ്ക്കിടെ ഭീകരാക്രമണം.സ്ഫോടനത്തില്‍ 16 പേര്‍ കൊല്ലപ്പെട്ടു. നിരവധി പേര്‍ക്ക് പരുക്കേറ്റിട്ടുണ്ട്.
കാബൂള്‍ :ദക്ഷിണ അഫ്ഗാന്‍ നഗരമായ കാന്ദഹാറിലെ അഫ്ഗാനില്‍ ശിയാ പള്ളിയില്‍ പ്രാര്‍ത്ഥനയ്ക്കിടെ ഭീകരാക്രമണം.സ്ഫോടനത്തില്‍ 16 പേര്‍ കൊല്ലപ്പെട്ടു. നിരവധി പേര്‍ക്ക് പരുക്കേറ്റിട്ടുണ്ട്. വെള്ളിയാഴ്ചയിലെ ജുമുഅ നിസ്‌കാരം നടക്കുന്നതിനിടെയായിരുന്നു സ്ഫോടനം. പരുക്കേറ്റവരെ സെന്‍ട്രല്‍ മിര്‍വായിസ് ആ ശുപത്രിയില്‍ പ്രവേ ശിപ്പിച്ചു. ഉച്ചയോടെയായിരുന്നു സംഭവം.
മസ്ജിദില്‍ ഭീകരര്‍ സ്ഥാപിച്ചിരുന്ന സ്ഫോടക വസ്തുക്കള്‍ പ്രാര്‍ത്ഥനയ്ക്കിടെ പൊട്ടിത്തെറിക്കുകയായിരുന്നു. സ്ഫോടനത്തില്‍ മസ്ജിദ് പൂര്‍ണമായും തകര്‍ന്നു. പ്രദേ ശവാസികളുടെ നേതൃത്വത്തില്‍ രക്ഷാപ്രവ ര്‍ത്തനങ്ങള്‍ പുരോഗമിക്കുകയാണ്. മരണ സംഖ്യ ഇനിയും ഉയരാന്‍ സാധ്യതയുണ്ട്. ചിലരുടെ നില ഗുരുതരമാണെന്നാണ് റിപ്പോര്‍ട്ടുകള്‍.
സ്ഫോടനത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. വടക്കന്‍ നഗരമായ കുണ്ടൂസില്‍ സ്ഫോടനമു ണ്ടായി ഒരാഴ്ച പിന്നിടുമ്പോഴാണ് പുതിയ സംഭവം. കഴിഞ്ഞ വെള്ളിയാഴ്ചയും പ്രാര്‍ത്ഥനയ്ക്കിടെയായിരുന്നു സ്ഫോടനം. 100 ലധികം പേരാണ് സ്ഫോടനത്തില്‍ കൊല്ലപ്പെട്ടത്. വടക്കന്‍ അഫ്ഗാനിസ്താനിലെ ശിയാ മസ്ജിദിന് നേരെയായിരുന്നു അന്ന് ആക്രമണം ഉണ്ടായത്. സ്ഫോടനത്തിന്റെ ഉത്തരവാദിത്തം ഐഎസ് ഏറ്റെടുത്തിരുന്നു.
