ജനജീവിതത്തെ ബുദ്ധിമുട്ടിലാക്കിയ കനത്ത പേമാരിയെ തുടര്ന്ന് റോഡുകളും മറ്റും ചിലയിടങ്ങളില് തകര്ന്നിരുന്നു
ദുബായ് : യുഎഇയിലെ വടക്കന് എമിറേറ്റുകളില് കഴിഞ്ഞ കുറച്ചു ദിവസമായി തുടര്ന്നു വന്ന കനത്ത മഴ ശമിച്ചു. ഫ്യുജെയ്റ ഉള്പ്പടെയുള്ള സ്ഥലങ്ങളില് കനത്ത മഴയെ തുടര്ന്ന് വീടുകളില് വെള്ളം കയറിയ നിലയിലായിരുന്നു.
മഴയെത്തുടര്ന്നുണ്ടായ കെടുതികളില് ഏഴു പേര് മരണമടഞ്ഞിരുന്നു. ഇതില് അഞ്ചു പേര് പാക് പൗരന്മാരാണ്.
തകര്ന്ന റോഡുകളില് ഭൂരിഭാഗവും ഗതാഗതയോഗ്യമാക്കി. അപ്രതീക്ഷിത പേമാരിമൂലം ജനവീവിതം ദുസ്സഹമായെങ്കിലും മന്ത്രാലയങ്ങളുടെ ഏകോപനമൂലവും സര്ക്കാര്, സ്വകാര്യ സ്ഥാപനങ്ങളുടെയും സന്നദ്ധ പ്രവര്ത്തകരുടേയും കൂട്ടായ പരിശ്രമത്തിന്റെ ഫലമായി സാധാരണ നിലയിലേക്ക് യുഎഇ മടങ്ങിയെത്തിയെന്ന് ആഭ്യന്തര മന്ത്രാലയത്തിലെ മുതിര്ന്ന ഉദ്യോഗസ്ഥന് ബ്രിഗേഡിയര് ജനറല് ഡോ അലി സലിം അല് തുനൈജി പറഞ്ഞു.
പോലീസ്, ആംബൂലന്സ്, സിവില് ഡിഫന്സ് ദുരന്ത നിവാരണ സംഘം തുടങ്ങിയ ഏജന്സികളുടെ ഏകോപിച്ചുള്ള പ്രവര്ത്തനമാണ് സന്നദ്ധ പ്രവര്ത്തകരുടെയും സഹായത്തോടെ യുഎഇയെ സാധാരണ നിലയിലേക്ക് മടക്കി എത്തിച്ചതെന്ന് ബ്രിഗേഡിയര് ഡോ അലി സലിം പറഞ്ഞു. .
