മസ്ക്കറ്റ്: ഒമാനില് ജല, വൈദ്യുതി നിരക്കുകള് വര്ധിപ്പിച്ചു. സബ്സിഡികള് അര്ഹരായ സ്വദേശികള്ക്ക് മാത്രം പരിമിതപ്പെടുത്തണമെന്ന സാമ്പത്തിക പരിഷ്കരണ പദ്ധതിയിലെ നിര്ദേശ പ്രകാരമാണ് നടപടി. ജനുവരി ഒന്ന് മുതല് ഇത് പ്രാബല്യത്തില് വരും. ഓരോ വര്ഷവും നിരക്കില് വര്ധനവുണ്ടാകും.
വിദേശികളുടെ താമസയിടങ്ങളിലെ വൈദ്യുതി സബ്സിഡി 2023-ഓടെയും ജല സബ്സിഡി 2024-ഓടെയും പൂര്ണമായി ഒഴിവാക്കാനാണ് പദ്ധതി. ഈ മേഖലയിലെ എല്ലാ സബ്സിഡികളും 2025-ഓടെ പൂര്ണമായി ഒഴിവാക്കും. ഉപഭോക്താക്കളുടെ എണ്ണം ഉയരുന്നതനുസരിച്ച് സര്ക്കാരിന്റെ സാമ്പത്തിക ഭാരവും വര്ധിക്കുന്നത് കണക്കിലെടുത്താണ് സബ്സിഡി ഒഴിവാക്കുന്നത്.
വൈദ്യുതി, ജല വിതരണ മേഖലകളിലെ അടിസ്ഥാന സൗകര്യ വികസന നിക്ഷേപത്തിന് പുറമെ ഗാര്ഹിക, വ്യവസായിക, കാര്ഷിക മേഖലകളിലെയടക്കം ഉപഭോക്താക്കള്ക്ക് സര്ക്കാര് സബ്സിഡിയും ഇതുവരെ നല്കി വന്നിരുന്നു.
