മോസ്കോ: റഷ്യയില് കോവിഡ് വാക്സിന് വിതരണത്തിന് അടുത്തയാഴ്ച തുടക്കം കുറിക്കാന് പ്രസിഡന്റ് വ്ളാഡിമര് പുടിന് നിര്ദേശം നല്കി. വാക്സിന് വിതരണത്തിനുളള എല്ലാവിധ മുന്നൊരുക്കങ്ങളും പൂര്ത്തിയാക്കാനാണ് നിര്ദേശിച്ചത്. സ്പുട്നിക് 5 വാക്സിന്റെ 20 ലക്ഷം ഡോസുകള് റഷ്യ ഇതിനോടകം നിര്മ്മിച്ചു കഴിഞ്ഞുവെന്നും അദ്ദേഹം പറഞ്ഞു. ഫൈസര്, ബയോണ്ടെക് എന്നിവയുടെ വാക്സിന് ബ്രിട്ടന് അനുമതി നല്കിയതിന് തൊട്ടു പിന്നാലെയാണ് വാക്സിന് വിതരണം അടുത്താഴ്ച തുടങ്ങുമെന്ന് റഷ്യ പ്രഖ്യാപിച്ചിരിക്കുന്നത്.
വാക്സിന് 95 ശതമാനം ഫലപ്രദമാണെന്ന് ഇടക്കാല പരീക്ഷണ ഫലങ്ങള് തെളിയിക്കുന്നതായി റഷ്യ നേരത്തെ പറഞ്ഞിരുന്നു. ഡോക്ടര്മാര്ക്കും അധ്യാപകര്ക്കും ആകും ആദ്യം വാക്സിന് വിതരണം ചെയ്യുക. ബ്രിട്ടനിലും അടുത്തയാഴ്ചയാകും വാക്സിന് വിതരണം ചെയ്യുക.