അബുദാബി :ജനിതക മാറ്റം സംഭവിച്ച കൊറോണ വൈറസ് സാന്നിദ്ധ്യം യുഎഇയിലും റിപ്പോര്‍ട്ട് ചെയ്തു . യുഎഇ സര്‍ക്കാറിന്റെ ഔദ്യോഗിക വക്താവ് ഡോ. ഉമര്‍ അല്‍ ഹമ്മാദിയാണ് വാർത്ത പുറത്തു വിട്ടത്.വിദേശത്തുനിന്നെത്തിയ ഏതാനും പേരില്‍ മാത്രമാണ് രാജ്യത്ത് പുതിയ കൊറോണ വൈറസിന്റെ സാന്നിദ്ധ്യം കണ്ടെത്തിയതെന്നാണ് ഔദ്യോഗിക അറിയിപ്പ്.
നാഷണല്‍ എമര്‍ജന്‍സി ക്രൈസിസ് ആന്റ് ഡിസാസ്റ്റര്‍ മാനേജ്‍മെന്റ് അതോരിറ്റി നടത്തിയ വാര്‍ത്താ സമ്മേളനത്തിലാണ് ജനിതക മാറ്റം വന്ന വൈറസിനെ കണ്ടെത്തിയ വിവരം അറിയിച്ചത് . പുതിയ കൊറോണ വൈറസിനെ യു.കെയില്‍ കണ്ടെത്തിയതിന് പിന്നാലെ യുഎഇയിലെ ആരോഗ്യ മേഖലയിലും പരിശോധന ശക്തമാക്കിയിരുന്നു.
