വാഷിങ്ടണ്‍: അമേരിക്കന്‍ പ്രസിഡന്റ് ഡോണാള്‍ഡ് ട്രംപിനും ഭാര്യ മെലാനിയയ്ക്കും കോവിഡ് സ്ഥിരീകരിച്ചു. ട്രംപിന്റെ ഉപദേശക ഹോപ് ഹിക്‌സിന് രോഗം സ്ഥിരീകരിച്ചിരുന്നു. ഇതിന് പിന്നാലെ നടത്തിയ പരിശോധനയിലാണ് കോവിഡ് സ്ഥിരീകരിച്ചത്.
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
എയര്‍ഫോഴ്‌സ് വണില്‍ ട്രംപിനെ സ്ഥിരമായി അനുഗമിക്കുന്ന ഏറ്റവും അടുത്ത ഉപദേഷ്ടാക്കളില്‍ ഒരാളാണ് ഹോപ് ഹിക്‌സ്. കുറച്ചുദിവസങ്ങള്‍ക്ക് മുന്‍പ് ക്ലീവാന്റില്‍ നടന്ന പ്രസിഡന്റ് സ്ഥാനാര്‍ത്ഥികളുടെ സംവാദത്തിലും അദ്ദേഹം പങ്കെടുത്തിരുന്നു. നേരത്തെ വൈറ്റ് ഹൗസ് കമ്മ്യുണിക്കേഷന്‍ ഡയറക്ടറായി പ്രവര്‍ത്തിച്ച ഹിക്‌സ് 2016ല്‍ പ്രസിഡന്റ് തെരഞ്ഞെടുപ്പില്‍ ട്രംപിന്റെ പ്രചാരണ വക്താവായി പ്രവര്‍ത്തിച്ചു. പിന്നീട് ഈ വര്‍ഷം തുടക്കത്തിലാണ് അദ്ദേഹം വൈറ്റ് ഹൗസില്‍ തിരിച്ചെത്തുന്നത്.
