ഓഹരി വിപണിയില്‍ ശക്തമായ ചാഞ്ചാട്ടം തുടരുന്നു. നിഫ്‌റ്റി വീണ്ടും 11,350ന്‌ താഴെ ക്ലോസ്‌ ചെയ്‌തു. ഇത്‌ തുടര്‍ന്നും വിപണി ഹ്രസ്വകാലത്തേക്ക്‌ ദുര്‍ബലമായി തുടരുമെന്ന സൂചനയാണ്‌ നല്‍കുന്നത്‌.
ഓഹരി വിപണി ഇന്ന്‌ ശക്തമായ ഇടിവ്‌ നേരിട്ടു. തുടര്‍ച്ചയായ രണ്ടാമത്തെ ദിവസമാണ്‌ വിപണി നഷ്‌ടത്തിലാകുന്നത്‌. 50 ഓഹരികള്‍ ഉള്‍പ്പെട്ട സൂചികയായ നിഫ്‌റ്റി 11,377 പോയിന്റ്‌ എന്ന ശക്തമായ താങ്ങ്‌ നിലവാരം ഭേദിച്ച്‌ താഴേക്ക്‌ പോയി. 11,333.85 പോയിന്റിലാണ്‌ ക്ലോസ്‌ ചെയ്‌തത്‌. താങ്ങ്‌ നിലവാരം ഭേദിച്ചത്‌ വിപണിയില്‍ ഇടിവ്‌ തുടരാനുള്ള സാധ്യതയായിട്ടാണ്‌ കാണേണ്ടത്‌.
ഓഹരി വിപണി കുതിപ്പ്‌ തുടരുന്നു. സെന്‍സെക്‌സ്‌ ഇന്ന്‌ 39,000 പോയിന്റിന്‌ മുകളിലും നിഫ്‌റ്റി 11,500 പോയിന്റിന്‌ മുകളിലും വ്യാപാരം അവസാനിപ്പിച്ചു. സെന്‍സെക്‌സ്‌ 230 പോയിന്റും നിഫ്‌റ്റി 77 പോയിന്റും നേട്ടം രേഖപ്പെടുത്തി. ഓട്ടോമൊബൈല്‍, ബാങ്ക്‌ ഓഹരികളാണ്‌ വിപണിയിലെ കുതിപ്പില്‍ പ്രധാന പങ്ക്‌ വഹിച്ചത്‌.
കഴിഞ്ഞയാഴ്‌ച 11,377 പോയിന്റില്‍ ഉണ്ടായിരുന്ന ശക്തമായ സമ്മര്‍ദം ഭേദിക്കാന്‍ നിഫ്‌റ്റിക്ക്‌ കഴിഞ്ഞു. കഴിഞ്ഞ ഏതാനും വാരങ്ങളായി ഈ സമ്മര്‍ദത്തില്‍ തട്ടി തടഞ്ഞ്‌ വിപണി താഴേക്ക്‌ വരുന്നതും വീണ്ടും ഈ നിലവാരം ഭേദിക്കാനുള്ള ശ്രമം നടത്തുന്നതുമാണ്‌ കണ്ടിരുന്നത്‌. ഒടുവില്‍ ആ ശ്രമത്തില്‍ നിഫ്‌റ്റി വിജയിച്ചു. ഈ വാരം 11,400 പോയിന്റിന്‌ മുകളിലേക്ക്‌ ഉയരാന്‍ നിഫ്‌റ്റിക്ക്‌ സാധിച്ചു.
