തെലങ്കാനയില് കനത്ത മഴയിലും വെള്ളപ്പൊക്കത്തിലും 30 മരണം. ഭൂരിഭാഗം പ്രദേശങ്ങളിലും റോഡുകളെല്ലാം പൂര്ണ്ണമായും വെള്ളത്തില് മുങ്ങി. ആയിരക്കണക്കിന് വീടുകള് വെള്ളത്തിനടിയിലാണ്.
സംസ്ഥാനത്ത് പരക്കെ കനത്ത മഴ. ബംഗാള് ഉള്ക്കടലില് ന്യൂനമര്ദം രൂപപ്പെട്ടതിനെ തുടര്ന്നാണിത്. ശക്തമായ കാറ്റ് വീശുന്നതിനാല് മരങ്ങള് കടപുഴകി വീണുള്ള അപകടങ്ങള്ക്കും സാധ്യതയുണ്ട്. ഇന്നലെ ഇടുക്കി മുതല് കാസര്കോട് വരെ എട്ടു ജില്ലകളില് അതിതീവ്ര മഴ മുന്നറിയിപ്പായ റെഡ് അലേര്ട്ട് പ്രഖ്യാപിച്ചിരുന്നു. ഇന്ന് അതിശക്തമായ മഴയ്ക്ക് സാധ്യതയുള്ളതിനാല് പത്തു ജില്ലകളില് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്.
സംസ്ഥാനത്ത് അതിതീവ്ര മഴ തുടരുമെന്ന് മുന്നറിയിപ്പ്. നാല് ജില്ലകളിൽ റെഡ് അലർട്ട് പ്രഖ്യാപിച്ചു. ഇടുക്കി, മലപ്പുറം, കണ്ണൂർ, കാസർകോഡ് ജില്ലകളിൽ ആണ് റെഡ് അലർട്ട്. വയനാട് , കോഴിക്കോട്, പാലക്കാട് , തൃശ്ശൂർ, എറണാകുളം, കോട്ടയം ,ജില്ലകളിൽ ഓറഞ്ച് അലർട്ട് ആണ്. മൂന്ന് ദിവസമായി കനത്ത മഴ തുടരുന്ന കണ്ണൂരിൽ, മലയോര മേഖലകളിൽ രാത്രി ഏഴുമണി മുതൽ രാവിലെ ഏഴുവരെ ഗതാഗതം നിരോധിച്ചു.
കേരളത്തിൽ വിവിധയിടങ്ങളിൽ ശക്തമായ മഴക്ക് സാധ്യത-വിവിധ ജില്ലകളിൽ മഞ്ഞ (Yellow) അലേർട്ട് പ്രഖ്യാപിച്ചു.
ബുധനാഴ്ച വരെ കേരളത്തില് ഒറ്റപ്പെട്ട കനത്ത മഴയ്ക്കു സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. അടുത്ത 24 മണിക്കൂറില് ഒറ്റപ്പെട്ട പ്രദേശങ്ങളില് കനത്തതോ അത്യന്തം കനത്തതോ ആയ മഴയ്ക്കും തിങ്കളാഴ്ച മുതല് ബുധനാഴ്ച വരെ ഒറ്റപ്പെട്ട സ്ഥലങ്ങളില് കനത്ത മഴയ്ക്കുമാണ് സാധ്യത.
സംസ്ഥാനത്തിന്റെ തെക്കന് ജില്ലകളില് മഴ ശമനമില്ലാതെ തുടരുന്നു. പലയിടങ്ങളിലും താഴ്ന്ന പ്രദേശങ്ങള് വെളളത്തിനടിയിലാണ്. നദികളിലും ജലനിരപ്പ് ഉയര്ന്നിട്ടുണ്ട്. അറബിക്കടലില് കവരത്തിക്ക് സമീപത്തായി രൂപപ്പെട്ട ന്യൂനമര്ദ്ദമാണ് മഴയ്ക്ക് കാരണമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
