തിരുവനന്തപുരം നഗരസഭയിൽ ബിജെപി കൗൺസിലർമാർക്കിടയിൽ ഭിന്നത. ഭരണ പക്ഷത്തിനെതിരായ നീക്കങ്ങളിൽ പോലും കൗൺസിലർമാർ ഗ്രൂപ്പ് കളിച്ച് മാറി നിൽക്കുന്നത് ജില്ലാ നേതൃത്വത്തിന് തലവേദനയാകുന്നു. നഗരസഭയുടെ അവസാന കൗൺസിൽ യോഗം കൗൺസിൽ ഹാളിൽ തന്നെ നടത്തണമെന്നാണ് ബിജെപിയുടെ ആവശ്യം. എന്നാൽ കോവിഡ് വ്യാപനത്തിൻ്റെ പശ്ചാത്തലത്തിൽ സൂം മീറ്റിങ് മതിയെന്ന് സർക്കാർ ഉത്തരവുണ്ട്. ഇതനുസരിച്ചേ അവസാന കൗൺസിൽ യോഗം വിളിക്കാനാകൂ എന്ന് മേയർ അറിയിപ്പ് നൽകി.