തിരുവനന്തപുരം വിമാനത്താവളം വഴി സ്വര്ണക്കടത്ത് നടത്തിയ കേസിലെ മുഖ്യപ്രതി സ്വപ്ന സുരേഷിനെ നാല് ദിവസം എന്ഐഎ കസ്റ്റഡിയില് വിട്ടു. വെള്ളിയാഴ്ച്ച വരെ ആണ് കസ്റ്റഡി കാലാവധി. കസ്റ്റഡി സമയത്ത് ബന്ധുക്കളെ കാണാന് അനുമതിയുണ്ട്.
നിലവില് ആരോഗ്യ പ്രശ്നങ്ങള് ഇല്ലെന്ന് സ്വപ്ന കോടതിയെ അറിയിച്ചു. അതേസമയം, സ്വര്ണക്കടത്ത് കേസിലെ പ്രതി സന്ദീപ് നായര്ക്ക് കോടതി സ്വാഭാവിക ജാമ്യം അനുവദിച്ചു. സാമ്പത്തിക കുറ്റകൃത്യങ്ങള് പരിഗണിക്കുന്ന കോടതിയാണ് ജാമ്യം അനുവദിച്ചത്. 60 ദിവസത്തിനുള്ളില് കുറ്റപത്രം സമര്പ്പിക്കാത്ത സാഹചര്യം കണക്കിലെടുത്താണ് ജാമ്യം. എന്നാല് ജാമ്യം ലഭിച്ചെങ്കിലും എന്ഐഎ ചുമത്തിയ യുഎപിഎ കേസില് ജുഡീഷ്യല് കസ്റ്റഡിയില് കഴിയുന്നതിനാല് സന്ദീപിന് പുറത്തിറങ്ങാന് കഴിയില്ല.
