ന്യൂഡല്ഹി: ഹൈബി ഈഡന് എംപിയുടെ തെരഞ്ഞെടുപ്പ് റദ്ദാക്കണമെന്ന് ആവശ്യപ്പെട്ട് സരിത എസ്.നായര് സമര്പ്പിച്ച ഹര്ജി സുപ്രീംകടോതി തള്ളി. നേരത്തെ വയനാട് ലോക്സഭ മണ്ഡലത്തില് രാഹുല് ഗാന്ധിയുടെ വിജയം ചോദ്യം ചെയ്തും സരിത സുപ്രീംകോടതിയെ സമീപിച്ചിരുന്നു. എന്നാല് ചീഫ് ജസ്റ്റിസ് എസ്.എ ബോബ്ഡെ അധ്യക്ഷനായ ബെഞ്ച് ഈ ഹര്ജിയും തള്ളിയിരുന്നു.
2019 ലെ ലോക്സഭാ തെരഞ്ഞെടുപ്പില് എറണാകുളം മണ്ഡലത്തില് മത്സരിക്കാനായി സരിതയും നാമനിര്ദേശ പത്രിക സമര്പ്പിച്ചിരുന്നു. എന്നാല് ക്രിമിനല് കേസില് രണ്ട് വര്ഷം ശിക്ഷിക്കപ്പെട്ടത് കണക്കിലെടുത്ത് വരണാധികാരി പത്രിക തള്ളിയിരുന്നു. ഇതിനെതിരെ ഹൈക്കോടതിയെ സമീപിച്ചിരുന്നെങ്കിലും ഫലം ഉണ്ടായില്ല. തുടര്ന്ന് സരിത സുപ്രീംകോടതിയിലും ഹര്ജി നല്കിയിരുന്നു.
ലോക്സഭ തെരഞ്ഞെടുപ്പില് വയനാട്, എറണാകുളം എന്നിവിടങ്ങളില് സരിത നല്കിയ നാമനിര്ദേശ പത്രിക വരണാധികാരികള് തള്ളിയെങ്കിലും അമേഠിയില് സരിതയുടെ പത്രിക സ്വീകരിക്കുകയും അവര് തെരഞ്ഞെടുപ്പില് മത്സരിക്കുകയും ചെയ്തിരുന്നു.
