ജിഷ ബാലന്‍
പ്രേക്ഷകര്‍ കാണാത്ത നിരവധി ചിത്രങ്ങളാണ് അന്‍പതാമത് സംസ്ഥാന ചലച്ചിത്ര പുരസ്‌കാരത്തിനായി മത്സരിച്ചത്. ഇതില്‍ 50 ശതമാനത്തില്‍ അധികം സിനിമകള്‍ നവാഗത സംവിധായകരുടേതായിരുന്നു എന്നതാണ് പ്രത്യേകത. വമ്പന്‍ ചിത്രങ്ങള്‍ക്കൊപ്പമുള്ള മത്സരത്തില്‍ പുതുതലമുറകളുടെ ചെറുചിത്രങ്ങളാണ് കൂടുതല്‍ തിളങ്ങിയത്. അവാര്‍ഡിന്റെ പരിഗണനയ്ക്കായി എത്തിയ 119 സിനിമകളില്‍ 71 സിനിമകളും നവാഗതരുടേതായിരുന്നു. ഇത് ചലച്ചിത്രമേഖലയ്ക്ക് വലിയ പ്രതീക്ഷ ഉളവാക്കുന്നതെന്നാണ് സാംസ്‌കാരിക വകുപ്പ് മന്ത്രി എ.കെ ബാലന്‍ പറഞ്ഞത്.
പ്രധാനപ്പെട്ട പുരസ്‌കാരങ്ങളെല്ലാം പുതുമുഖങ്ങളുടെ സിനിമകള്‍ സ്വന്തമാക്കി. നവാഗതരായ എംസി ജോസഫ് ഒരുക്കിയ വികൃതിയിലെയും രതീഷ് പൊതുവാളിന്റെ ആന്‍ഡ്രോയ്ഡ് കുഞ്ഞപ്പനിലെ പ്രകടനത്തിനുമാണ് സുരാജ് വെഞ്ഞാറമൂടിന് മികച്ച നടനുള്ള പുരസ്‌കാരം ലഭിച്ചത്. മധു സി നാരായണന്‍ സംവിധാനം ചെയ്ത കുമ്പളങ്ങി നൈറ്റ്സ് ആണ് മികച്ച കലാമൂല്യമുള്ള ജനപ്രിയ ചിത്രമായി തെരഞ്ഞെടുത്തത്. ഒരു നവാഗതന് കിട്ടേണ്ട ഏറ്റവും വലിയ അംഗീകാരമാണ് മധുവിനെ തേടിയെത്തിയത്. നാല് സംസ്ഥാന പുരസ്‌കാരങ്ങളാണ് കുമ്പളങ്ങി സ്വന്തമാക്കിയത്. മൂന്ന് പുരസ്‌കാരങ്ങളുമായി ആന്‍ഡ്രോയിഡ് കുഞ്ഞപ്പന്‍ തൊട്ടുപുറകില്‍ ഉണ്ട്.
ഷിനോസ് റഹ്‌മാനും സജാസ് റഹ്‌മാനും ഒരുക്കിയ വാസന്തിയാണ് 2019ലെ മികച്ച ചിത്രമായി തെരഞ്ഞെടുത്തത്. ചിത്രത്തിലെ മികച്ചപ്രകടനത്തിന് സ്വാസികയ്ക്ക് സ്വഭാവ നടിക്കുള്ള പുരസ്‌കാരവും ലഭിച്ചു. മികച്ച നടിക്കുള്ള പുരസ്‌കാരം സാജി ബാബു ഒരുക്കിയ ‘ബിരിയാണി’ എന്ന ചിത്രത്തിലെ പ്രകടനത്തിന് കനി കുസൃതി നേടി. കടല്‍ തീരത്ത് താമസിക്കുന്ന കദീജയുടേയും ഉമ്മയുടേയും ജീവിതത്തില്‍ അപ്രതീക്ഷിതമായി ഉണ്ടാകുന്ന സംഭവങ്ങള്‍ കാരണം നാട് വിടേണ്ടി വരുന്നതും പിന്നീടുള്ള യാത്രയുമാണ് സിനിമയുടെ പ്രമേയം. ബിരിയാണിയിലെ പ്രകടനത്തിന് അന്താരാഷ്ട്ര പുരസ്‌കാരം അടക്കമുള്ളവ കനി കരസ്ഥമാക്കിയിരുന്നു.
മികച്ച നടിമാരുടെ അന്തിമ പട്ടികയില്‍ മഞ്ജു വാര്യര്‍ മാത്രമാണ് മുതിര്‍ന്ന നടിയായി ഉണ്ടായിരുന്നത്. പാര്‍വതി തിരുവോത്ത്, അന്ന ബെന്‍ എന്നിവരാണ് കനിക്കൊപ്പം മത്സരിച്ച് നിന്നത്. അന്നയ്ക്ക് മികച്ച നടിക്കുള്ള പുരസ്‌കാരം ലഭിച്ചില്ലെങ്കിലും ജ്യൂറി അവാര്‍ഡ് ലഭിച്ചു.
കൊറോണ പശ്ചാത്തലത്തില്‍ കൊവിഡ് മാനദണ്ഡങ്ങള്‍ പാലിച്ചുകൊണ്ടാണ് ഇത്തവണ പുരസ്‌കാര നിര്‍ണയം നടന്നിരിക്കുന്നത്. വിധികര്‍ത്താക്കള്‍ രണ്ട് സംഘങ്ങളായി തിരിഞ്ഞാണ് പ്രാഥമിക വിലയിരുത്തലുകള്‍ നടന്നത്. ഛായാഗ്രാഹകനും സംവിധായകനുമായ മധു അമ്പാട്ട് ആണ് ജൂറി ചെയര്‍മാന്‍. സംവിധായകരായ സലിം അഹമ്മദ്, എബ്രിഡ് ഷൈന്‍, ഛായാഗ്രാഹകന്‍ വിപിന്‍ മോഹന്‍, എഡിറ്റര്‍ എല്‍ ഭൂമിനാഥന്‍, സൗണ്ട് എന്‍ജിനീയര്‍ എസ് രാധാകൃഷ്ണന്‍, പിന്നണി ഗായിക ലതിക, നടി ജോമോള്‍, എഴുത്തുകാരന്‍ ബെന്യാമിന്‍, ചലച്ചിത്ര അക്കാദമി മെമ്പര്‍ സെക്രട്ടറി സി അജോയ് എന്നിവരാണ് ജൂറി അംഗങ്ങള്‍.
അവാര്‍ഡിന് മത്സരിച്ച ചിത്രങ്ങളും സംവിധായകരും
തണ്ണീര്‍മത്തന്‍ ദിനങ്ങള്‍ (എ.ഡി.ഗിരീഷ്) കുമ്പളങ്ങി നൈറ്റ്സ് (മധു സി.നാരായണന്‍) ജല്ലിക്കട്ട് (ലിജോ ജോസ് പെല്ലിശേരി) വൈറസ് (ആഷിഖ് അബു) വെയില്‍മരങ്ങള്‍ (ഡോ.ബിജു) കോളാമ്പി (ടി.കെ.രാജീവ് കുമാര്‍) പ്രതി പൂവന്‍കോഴി (റോഷന്‍ ആന്‍ഡ്രൂസ്) ഉയരെ(മനു അശോകന്‍) ആന്‍ഡ്രോയ്ഡ് കുഞ്ഞപ്പന്‍ (രതീഷ് പൊതുവാള്‍) അമ്പിളി (ജോണ്‍ പോള്‍ ജോര്‍ജ്) ഡ്രൈവിങ് ലൈസന്‍സ് (ജീന്‍ പോള്‍ ലാല്‍) തെളിവ് (എം.എ.നിഷാദ്) ജലസമാധി (വേണു നായര്‍) ഗ്രാമവൃക്ഷത്തിലെ കുയില്‍ (കെ.പി.കുമാരന്‍) ഫൈനല്‍സ് (പി.ആര്.അരുണ്‍) അതിരന്‍ (വിവേക് തോമസ് വര്‍ഗീസ്) പൊറിഞ്ചു മറിയം ജോസ് (ജോഷി) വികൃതി (എം.സി.ജോസഫ്) ഹാസ്യം (ജയരാജ്) മൂത്തോന്‍ (ഗീതു മോഹന്‍ദാസ്) സ്റ്റാന്‍ഡ് അപ്പ് (വിധു വിന്‍സന്റ്) താക്കോല്‍ (കിരണ്‍ പ്രഭാകരന്‍) സത്യം പറഞ്ഞാല്‍ വിശ്വസിക്കുമോ (ജി.പ്രജിത്) കെഞ്ചീര (മനോജ് കാന) അഭിമാനിനി (എം.ജി.ശശി) കള്ളനോട്ടം (രാഹുല്‍ റിജി നായര്‍) ബിരിയാണി (സജിന്‍ ബാബു) ഇഷ്‌ക്(അനുരാജ് മനോഹര്‍) തൊട്ടപ്പന്‍ (ഷാനവാസ് കെ.ബാവക്കുട്ടി), ലൂസിഫര്‍ (പൃഥ്വിരാജ്), ഉണ്ട (ഖാലിദ് റഹ്‌മാന്‍), മാമാങ്കം (എം.പത്മകുമാര്‍), മരക്കാര്‍ (പ്രിയദര്‍ശന്‍)
ചാച്ചാജി (എം.ഹാജാ മൊയ്നു) തുരീയം (ജിതിന്‍ കുമ്പുക്കാട്ട്) തി.മി.രം(ശിവറാം മണി) സ്വനാശം പ്രിജുകുമാര്‍ ഹൃദയ് ആയൂഷ്) ഇടം (ജയ ജോസ് രാജ്) രക്ത സാക്ഷ്യം (ബിജുലാല്‍) കാറ്റ് കടല്‍ അതിരുകള്‍ (സമദ് മങ്കട) മൊഹബത്തിന്‍ കുഞ്ഞബ്ദുള്ള(ഷാനു സമദ്) സ്ത്രീ സ്ത്രീ (ആര്.ശ്രീനിവാസന്‍) വിശുദ്ധ പുസ്തകം (ഷാബു ഉസ്മാന്‍ കോന്നി) ഹൃദ്യം (കെ.സി.ബിനു) എന്റെ സത്യാന്വേഷണ പരീക്ഷകള്‍ (കുക്കു സുരേന്ദ്രന്‍) വിശുദ്ധ രാത്രികള്‍ (ഡോ.എസ്.സുനില്‍) സ്വര്‍ണ മത്സ്യങ്ങള്‍ (ജി.എസ്.പ്രദീപ്) ജൂണ്‍ (അഹമ്മദ് കബീര്‍) കാടോരം (മുഹമ്മദ് സജില്‍) പ്രേമിക (സജീവ് കിളികുലം) ബിലാത്തിക്കുഴല്‍ (എ.കെ.വിനു) വാസന്തി (റഹ്‌മാന്‍ ബ്രദേഴ്സ്) നീയും ഞാനും (എ.കെ.സാജന്‍) സമയ യാത്ര (വിതുര സുധാകരന്‍) നാന്‍ പെറ്റ മകന്‍ (സജി എസ്.പാലമേല്‍) വേലത്താന്‍ (കരിമാടി രാജേന്ദ്രന്‍) ട്രിപ്പ് (അന്‍വര്‍ അബ്ദുള്ള,എം.ആര്.ഉണ്ണി) എടക്കാട് ബറ്റാലിയന്‍ (സ്വപ്നേഷ് കെ.നായര്‍) കുട്ടിയപ്പനും ദൈവദൂതരും (ഗോകുല്‍ ഹരിഹരന്‍)
എ.ഫോര്‍ ആപ്പിള്‍ (മധു എസ്.കുമാര്‍, ശ്രീകുമാര്‍) എവിടെ(കെ.കെ.രാജീവ്) സമന്വയം (പി.പി.ഗോവിന്ദന്‍) ഫോര്‍ട്ടി വണ്‍ (ലാല്‍ ജോസ്) മാര്‍ജാര ഒരു കല്ലുവച്ച നുണ(രാകേഷ് ബാല) വരി ദ സെന്റന്‍സ് ശ്രീജിത്ത് പൊയില്‍ക്കാവ്) തമാശ (അഷ്റഫ് ഹംസ) രമേശന്‍ ഒരു പേരല്ല (സുജിത് വിഘ്നേശ്വര്‍) മരണം ദുര്‍ബലം (വിജയന്‍ ബാലകൃഷ്ണന്‍) ലോനപ്പന്റെ മാമ്മോദീസ (ലിയോ തദേവൂസ്) ആത്മവിദ്യാലയം (ഡോ.ചുങ്കത്ത്) ഒരു പക്കാ നാടന്‍ പ്രേമം (വിനോദ് നെട്ടതാന്നി) പി.കെ.റോസി (ശശി നടുക്കാട്) കമല (രഞ്ജിത് ശങ്കര്‍) കോടതി സമക്ഷം ബാലന്‍ വക്കീല്‍ (ബി ഉണ്ണികൃഷ്ണന്‍) മൂന്നാം പ്രളയം (രതീഷ് രാജു) വകതിരിവ് (കെ.കെ.മുഹമ്മദ് അലി) മൈ ലക്കി നമ്പര്‍ ഈസ് ബ്ലാക്ക് (ആത്മബോധ്) ഇരുട്ട് (സതീഷ് ബാബുസേനന്‍,സന്തോഷ് ബാബു സേനന്‍) ശ്യാമരാഗം (സേതു എയ്യാല്‍) വൃത്താകൃതിയിലുള്ള ചതുരം(ആര്.കെ.കൃഷാന്ദ്, ഗീതാഞ്ജലി)
ഓടുന്നോന്‍(കെ.വി.നൗഷാദ്) റണ്‍ കല്യാണി(ജെ.ഗീത) കക്ഷി അമ്മിണിപ്പിള്ള(ദിന്‍ജിത് അയ്യാതന്‍) കാക്കപ്പൊന്ന് (ദിനേശ് ഗോപാല്‍) മാര്‍ച്ച് രണ്ടാം വ്യാഴം (ജഹാംഗീര്‍ ഉമ്മര്‍) മുന്തിരി മൊഞ്ചന്‍ (കെ.പി.വിജിത്) കാറ്റിനരികെ (റോയ് ജോസഫ് കാരക്കാട്ട്) കോഴിപ്പോര് (ജിനോയ് ജനാര്‍ദനന്‍) മൗനാക്ഷരങ്ങള്‍ (ദേവദാസ് കല്ലുരുട്ടി) ലെസണ്‍സ് (നാലു സംവിധായകര്‍) കെട്ട്യോളാണ് എന്റെ മാലാഖ (നിസാം ബഷീര്‍) ചെറിയ ചെറിയ വലിയ കാര്യങ്ങള്‍ (രവീന്ദ്രനാഥ്) ചങ്ങായി (സുദേഷ് കുമാര്‍) സൈറയും ഞാനും (കെ.എസ്.ധര്‍മരാജന്‍) പുള്ള് (റിയാസ്,പ്രവീണ്‍) ലൂക്ക (അരുണ്‍ ബോസ്) ഒരു വടക്കന്‍ പെണ്ണ്(ഇര്‍ഷാദ് ഹമീദ്) സമീര്‍ (റഷീദ് പാറയ്ക്കല്‍) സെയ്ഫ് പ്രദീപ് കളിപ്പുറയത്ത്) കണ്‍ഫഷന്‍സ് ഓഫ് എ കുക്കു (ജയ് ജിതിന്‍ പ്രകാശ്) മുത്തശിക്കൊരു മുത്ത് (അനില്‍ കരകുളം) ബിഗ് സല്യൂട്ട് (എകെബി കുമാര്‍) ലോന (ബിജു ബര്‍ണാര്‍ഡ്) ഹെലന്‍ (മാത്തുക്കുട്ടി സേവ്യര്‍ ) പട്ടാഭിരാമന്‍ (കണ്ണന്‍ താമരക്കുളം) കലാമണ്ഡലം ഹൈദരാലി (കിരണ്‍ ജി.നാഥ്) ഒരു ദേശവിശേഷം(എം.ആര്.നാരായണന്‍) സാക്ഷി(സൂര്യ സുന്ദര്‍) കറുപ്പ് (ടി.ദീപേഷ്) സുല്ല് (വിഷ്ണു ഭരദ്വാജ്) നാനി (സംവിദ് ആനന്ദ്) ഒറ്റച്ചോദ്യം (അനീഷ് ഉറുമ്പില്‍)
