തെന്നിന്ത്യൻ ചലച്ചിത്ര സംഗീത വിസ്മയം എസ്.പി. ബാലസുബ്രഹ്മണ്യത്തിന്റെ നിര്യാണത്തിൽ തിരുവിതാംകൂർ ദേവസ്വം ബോർഡ് അനുശോചിച്ചു. എസ്.പി ബി എന്ന മാന്ത്രിക നാമത്തിന്റെ വേർപാട് സംഗീത ലോകത്ത് സമ്മാനിച്ചിരിക്കുന്നത് ഇനി ഒരിക്കലും ആർക്കും നികത്താനാകാത്ത വിടവ് തന്നെയാണെന്ന് ദേവസ്വം പ്രസിഡന്റ് അഡ്വ.എൻ.വാസു അനുസ്മരിച്ചു.
എസ്.പി ബി യുടെ വേർപാടിൽ അദ്ദേഹത്തിന്റെ കുടുംബാംഗങ്ങളുടെ ദുഖത്തിൽ പങ്കുചേരുന്നതായും ദേവസ്വം പ്രസിഡന്റ് പറഞ്ഞു. എസ്.പി.ബിയുടെ സംഗീതസപര്യ കണക്കിലെടുത്ത് സംസ്ഥാന സർക്കാരും തിരുവിതാംകൂർ ദേവസ്വം ബോർഡും സംയുക്തമായി അദ്ദേഹത്തിന് 2015ൽ ഹരിവരാസനം പുരസ്കാരം നൽകി ആദരിച്ചിട്ടുണ്ട്.
