ലണ്ടന്‍: 2020ലെ മാന്‍ ബുക്കര്‍ പുരസ്‌കാരം സ്‌കോട്ടിഷ് എഴുത്തുകാരന്‍ ഡഗ്ലസ് സ്റ്റുവാര്‍ട്ടിന്. അദ്ദേഹത്തിന്റെ ‘ഷഗ്ഗീ ബെയിന്‍’ എന്ന നോവലിനാണ് പുരസ്‌കാരം. കോവിഡ് 19നെ തുടര്‍ന്ന് ഓണ്‍ലൈനിലൂടെയായിരുന്നു പുരസ്‌കാര പ്രഖ്യാപനം. 50,000 പൗണ്ട് ആണ് പുരസ്‌കാര തുക.
ആറുപേരാണ് പുരസ്‌കാരത്തിന് അവസാന ഘട്ടത്തിലെത്തിയത്. ഇതില്‍ നിന്നാണ് ഡഗ്ലസ് സ്റ്റുവാര്‍ട്ട് പുരസ്‌കാരത്തിന് അര്‍ഹനായത്. ബുക്കര്‍ പ്രൈസ് നേടുന്ന രണ്ടാമത്തെ സ്‌കോട്ട്‌ലന്‍ഡുകാരനാണ് ഇദ്ദേഹം. നിലവില്‍ ലണ്ടനിലാണ് താമസം.
‘ഞാന്‍ എല്ലായിപ്പോഴും ഒരു എഴുത്തുകാരനാകാന്‍ ആഗ്രഹിക്കുന്നു, ഇത് എന്റെ സ്വപ്നങ്ങള്‍ സാക്ഷാത്കരിക്കുന്നു. ഇത് എന്റെ ജീവിതം മുഴുവന്‍ മാറ്റിമറിക്കും’- സ്റ്റുവാര്‍ട്ട് പ്രതികരിച്ചു. സ്റ്റുവാര്‍ട്ടിന്റെ കുട്ടിക്കാലത്തുനിന്ന് പ്രചോദനം ഉള്‍ക്കൊണ്ട് 1980ലെ ഒരു വര്‍ക്കിങ് ക്ലാസ് കുടുംബത്തിന്റെ കഥയാണ് പുരസ്‌കാരത്തിനര്ഹമായ ഷഗ്ഗീ ബെയിന്‍ പറയുന്നത്.
