ജിദ്ദ: കോവിഡ് രണ്ടംഘട്ടത്തിന്റെ ഭീഷണി ഒഴിവാക്കാന്‍ സൗദി അറേബ്യയില്‍ ഏര്‍പ്പെടുത്തിയ വിവിധ നിയന്ത്രണങ്ങള്‍ 20 ദിവസത്തേക്ക് കൂടി നീട്ടി. ഫെബ്രുവരി മൂന്നിന് ആഭ്യന്തര മന്ത്രാലയം പ്രഖ്യാപിച്ച പത്ത് ദിവസത്തേക്കുളള നിയന്ത്രണ കാലാവധി ഇന്ന് അവസാനിക്കാനിരിക്കേയാണ് ഇന്ന് രാത്രി പത്ത് മുതല്‍ അടുത്ത 20 ദിവസത്തേക്ക് കൂടി ദീര്‍ഘിപ്പിച്ചത്.
രാജ്യത്തെ റെസ്റ്റോറന്റുകളില്‍ ഇരുന്ന് ഭക്ഷണം കഴിക്കാന്‍ പാടില്ല. പാഴ്‌സലുകള്‍ മാത്രമേ അനുവദിക്കുകയുളളു. അതുപോലെ ആള്‍ക്കൂട്ടം പാടില്ല. പൊതുപരിപാടികള്‍ക്കുളള വിലക്ക് തുടരും. സിനിമ ശാലകളും വിനോദ കേന്ദ്രങ്ങളും അടച്ചിടുന്നതും തുടരും.
