ആലപ്പുഴ: സംസ്ഥാനത്ത് യുഡിഎഫ് അധികാരത്തിലെത്തിയാല് കേരളാബാങ്ക് പിരിച്ചുവിടുമെന്ന് പ്രതിപക്ഷ നേതാവ് രമേശ് ചെന്നിത്തല. നിയമ വിരുദ്ധമായാണ് കേരളാ ബാങ്ക് രൂപീകരിച്ചത്. സഹകരണ പ്രസ്ഥാനത്തിന്റെ തന്നെ തകര്ച്ചയ്ക്കാണ് കേരള ബാങ്ക് വഴി തെളിക്കുന്നതെന്നും ചെന്നിത്തല കുറ്റപ്പെടുത്തി.
അതേസമയം പി.എസ്.സി റാങ്ക് ഹോള്ഡേഴ്സിന്റെ സമരം ഒത്തുതീര്പ്പാക്കുന്ന കാര്യത്തില് മുഖ്യമന്ത്രി ദുര്വാശി ഉപേക്ഷിക്കണമെന്നും അദ്ദേഹം ആവശ്യപ്പെട്ടു. ഉദ്യോഗാര്ഥികള് മുട്ടുകാലില് നിന്ന് സമരം നടത്തിയിട്ടും മുഖ്യമന്ത്രി അലിയുന്നില്ല. ഇത് ധാര്ഷ്ട്യമാണെന്നും ചെന്നിത്തല ആരോപിച്ചു.
പിന്വാതില് നിയമനങ്ങളില് സര്ക്കാര് സംവരണ തത്വങ്ങള് പാലിക്കുന്നില്ല. കേരള ബാങ്കിലെ സ്ഥിരപ്പെടുത്തല് ഹൈക്കോടതി തടഞ്ഞത് സര്ക്കാരിനേറ്റ പ്രഹരമാണ്. മറ്റ് നിയമനങ്ങളും സ്റ്റേ ചെയ്യപ്പെടണം. നിയമനങ്ങളില് പൂര്ണമായും രാഷ്ട്രീയ മാനദണ്ഡം മാത്രമാണ് പരിഗണിക്കുന്നതെന്നും ചെന്നിത്തല വിമര്ശിച്ചു.
