ഡിസംബര്‍ 18 ന് ഖത്തറിലെ ലുസെയില്‍ സ്റ്റേഡിയത്തില്‍ നടക്കുന്ന ഫൈനല്‍ മത്സരം കാണാനായി 18 ലക്ഷം പേരുടെ അപേക്ഷയാണ് ഫിഫയ്ക്ക് ലഭിച്ചത്. അതേസമയം, സ്റ്റേഡിയത്തില്‍ എണ്‍പതിനായിരം പേര്‍ക്ക് ഇരിക്കാവുന്ന സൗകര്യമേയുള്ളു.
ദോഹ : ലോകകപ്പ് കാണാന്‍ ഓണ്‍ ലൈന്‍ ബുക്കു ചെയ്തവര്‍ക്ക് നറുക്കെടുപ്പിലൂടെയുള്ള ടിക്കറ്റ് വിതരണം ആരംഭിച്ചു.
നറുക്കെടുപ്പിലൂടെ ടിക്കറ്റിന് അര്‍ഹരായവര്‍ മാര്‍ച്ച് 21 ന് മുമ്പ് ടിക്കറ്റിന് അവകാശ വാദം ഉന്നയിച്ച് വാങ്ങിയിരിക്കണം. ഇല്ലെങ്കില്‍ മറ്റാര്‍ക്കെങ്കിലും ടിക്കറ്റ് അനുവദിക്കും. മാര്‍ച്ച് എട്ടു മുതല്‍ 21 വരെ മാത്രമേ ടിക്കറ്റ് വാങ്ങാന്‍ അവസരം ലഭിക്കുകയുള്ളുവെന്ന് ഫിഫ സംഘാടകര്‍ അറിയിച്ചു.
ഓണ്‍ലൈന്‍ വഴി ടിക്കറ്റ് ബുക്കിംഗ് ആരംഭിച്ചപ്പോള്‍ 1.7 കോടി ആളുകളാണ് പങ്കെടുത്തത്.
ഖത്തറിനു പുറത്തുള്ളവര്‍ക്ക് ടിക്കറ്റ് ലഭിക്കാന്‍ ഫിഫയുടെ വെബ്‌സൈറ്റില്‍ ലോഗിന്‍ ചെയ്യണം.
ഖത്തറില്‍ താമസിക്കുന്നവര്‍ക്കായി ടിക്കറ്റ് ലഭിക്കാന്‍ മറ്റൊരു പേജിലാണ് ലോഗിന്‍ ചെയ്യേണ്ടത്.
2022 ഡിസംബര്‍ 18 ന് നടക്കുന്ന കലാശക്കളി കാണാന്‍ 18 ലക്ഷം പേരാണ്
ടിക്കറ്റിന് അപേക്ഷിച്ചത്. നവംബര്‍ 21 നാണ് ലോകകപ്പ് മത്സരങ്ങള്‍ക്ക് തുടക്കമാകുക.
ടിക്കറ്റ് വില്‍പനയുടെ ആദ്യ ഘട്ടമായ 20 ദിവത്തിനുള്ളില്‍ ഏറ്റവും അധികം അപേക്ഷ ലഭിച്ചത് ആതിഥേയ രാജ്യമായ ഖത്തറില്‍ നിന്നും തന്നെയാമ്.
അര്‍ജന്റീന, ബ്രസീല്‍, ഇംഗ്ലണ്ട്. ഫ്രാന്‍സ്, ഇന്ത്യ, മെക്‌സികോ, സൗദി അറേബ്യ, യുഎഇ, യുഎസ് എന്നിവടങ്ങളില്‍ നിന്നുമാണ് ഫുട്‌ബോള്‍ മാമാങ്കം കാണാനായി ഏറ്റവും അധികം പേര്‍ അപേക്ഷ നല്‍കിയത്.
