പ്രധാനമന്ത്രി നരേന്ദ്രമോദി സ്വച്ഛതയെ ഒരു ജനകീയ മുന്നേറ്റമായി ( ജന്‍ ആന്ദോളന്)മാറ്റിയെന്ന് പെട്രോളിയം പ്രകൃതിവാതക, ഉരുക്ക് മന്ത്രി ധര്‍മേന്ദ്രപ്രധാന്‍. അതിന് സമൂഹത്തില്‍ നഗരങ്ങളില്‍നിന്നും ഗ്രാമങ്ങളില്‍നിന്നും ഒരുപോലെ പ്രതികരണം ലഭിക്കുന്നു. പെട്രോളിയം വ്യവസായത്തിലെ സ്വച്ഛതാപഖ്വാഡ അവാര്‍ഡ് വിതരണ ചടങ്ങില്‍ സംസാരിക്കുകയായിരുന്നു അദ്ദേഹം. പെട്രോളിയം വ്യവസായം ഈ ജന്‍ ആന്ദോളന് മികച്ച സംഭാവനകള്‍ നല്‍കുന്നുണ്ടെന്നും അത് കൂടുതല്‍ ശക്തമാക്കാനും ലക്ഷ്യത്തിനായി കൂടുതല്‍ സമര്‍പ്പണം ചെയ്യുമെന്നും അദ്ദേഹം പറഞ്ഞു.
സ്വകാര്യമേഖലയിലെ എണ്ണ, വാതക കമ്പനികളുടെ കൂടുതല്‍ പങ്കാളിത്തം സ്വച്ഛ് ഭാരത് അഭിയാനില്‍ വേണമെന്നും അദ്ദേഹം പറഞ്ഞു. എല്ലാ തീര്‍ഥാടന കേന്ദ്രങ്ങളിലും രാജ്യത്തെ പ്രധാന വിനോദസഞ്ചാര കേന്ദ്രങ്ങളിലും അത്യാധുനിക ടോയ്ലറ്റ് സൗകര്യങ്ങള്‍ നിര്‍മ്മിക്കാന്‍ പൊതുമേഖലാ സ്ഥാപനങ്ങളോട് അദ്ദേഹം നിര്‍ദ്ദേശിച്ചു. എണ്ണ, വാതക പൊതുമേഖലാ സ്ഥാപനങ്ങള്‍ക്ക് സ്വച്ഛതാപഖ്വാഡ, സ്വച്ഛതാ ഹി സേവാ കാമ്പെയ്നുകള്‍ക്കുള്ള അവാര്‍ഡുകള്‍ അദ്ദേഹം കൈമാറി.
സ്വച്ഛതാ പഖ്വാഡ അവാര്‍ഡുകള്‍:
ഒന്നാം സമ്മാനം- ഐഒസിഎല്‍, രണ്ടാം സമ്മാനം- ബിപിസിഎല്‍, മൂന്നാം സമ്മാനം- ഒഎന്‍ജിസി. പ്രത്യേക അവാര്‍ഡ്:- എച്ച്പിസിഎല്‍. സ്വച്ഛതാഹി സേവാ: ഒന്നാം സ്ഥാനം- എച്ച്പിസിഎല്‍, രണ്ടാം-ബിപിസിഎല്‍ മൂന്നാം സമ്മാനം -ഐഒസിഎല്‍.
