മധ്യപൂര്‍വ്വേഷ്യയിലെ പ്രധാന തുറുമുഖമായി മാറുമെന്ന് കരുതുന്ന ദുഖും തുറുമുഖത്തിലെ ആദ്യ ടെര്‍മിനല്‍ ഔദ്യോഗിക ഉദ്ഘാടനത്തിന് തയ്യാറെടുക്കുന്നു.
മസ്‌കത്ത് : ഒമാന്‍ വിഷന്‍ 2040 പ്രകാരം നിര്‍മ്മാണം പൂര്‍ത്തിയായ ദുഖും തുറുമുഖത്തിന്റെ സുപ്രധാന ടെര്‍മിനലായ അസ്യാദ് പ്രവര്‍ത്തന സജ്ജമായി. കാര്‍ഗോ ടെര്‍മിനലിന്റെ ട്രയല്‍ റണ്‍ പൂര്‍ത്തിയായതോടെയാണ് ഉദ്ഘാടനത്തിന് തയ്യാറാകുന്നത്.
ദുഖും തുറുമുഖ കോര്‍പറേഷനും അസ്യാദ് തുറുമുഖവും സംയുക്തമായുള്ള പദ്ധതിയാണ് അസ്യാദ് ടെര്‍മിനല്‍. ദുഖും തുറുമുഖത്തെ മൂന്ന് കോമേഴ്‌സ്യല്‍ ബെര്‍ത്തുകളാണ് അസ്യാദ് ടെര്‍മിനലില്‍ പ്രവര്‍ത്തിക്കുക.
വലിയ ഓയില്‍ ടാങ്കറുകളും വലിയ കണ്ടെയ്‌നര്‍ കപ്പലുകളും എത്താന്‍ സൗകര്യമുള്ള ടെര്‍മിനലുകളാണ് ഇവിടെ പൂര്‍ത്തിയായത്.
പ്രതിവര്‍ഷം പത്തുലക്ഷം കണ്ടെയ്‌നറുകള്‍ കൈകാര്യം ചെയ്യാനുള്ള സൗകര്യമാണ് മള്‍ട്ടി യൂസ് കാര്‍ഗോ ബെര്‍ത്തില്‍ സജ്ജമാക്കിയിട്ടുള്ളത്.
ബള്‍ക് കാര്‍ഗോ വിഭാഗത്തിലെ ബര്‍ത്തില്‍ പ്രതിവര്‍ഷം 50 ലക്ഷം കണ്ടെയ്‌നറുകള്‍ കൈകാര്യം ചെയ്യാന്‍ സാധിക്കും വിധമാണ് ഒരുക്കിയിട്ടുള്ളത്. മൂന്നാമത്തെ ബെര്‍ത്ത് റോ റോ വെസല്‍ ബര്‍ത്താണ്.
ദുഖും തുറുമുഖം പൂര്‍ണസജ്ജമാകുന്നതോടെ മേഖലയിലെ ഏറ്റവും വലിയ തുറുമുഖമായി ഇത് മാറും. മള്‍ട്ടി പര്‍പസ് ഗ്ലോബല്‍ ട്രേഡ് ഗേറ്റ് വേ ആകുമെന്നാണ് ഷിപ്പിംഗ് രംഗത്തെ പ്രമുഖര്‍ പറയുന്നത്.
ദുഖും തുറുമുഖത്തിന്റെ പ്രവര്‍ത്തനം 2022 ഫെബ്രുവരി അഞ്ചിനാണ് ഔദ്യോഗികമായി പ്രവര്‍ത്തനം ആരംഭിച്ചത്.
