ന്യൂഡല്‍ഹി: പിണറായി സര്‍ക്കാരിന്റെ പോലീസ് നിയമ ഭേദഗതിയില്‍ അതൃപ്തി അറിയിച്ച് സിപിഎം കേന്ദ്ര നേതൃത്വം. ഭേദഗതിയില്‍ തിരുത്തല്‍ വരുത്താന്‍ സംസ്ഥാന ഘടകത്തിന് പോളിറ്റ് ബ്യൂറോ നിര്‍ദേശം നല്‍കും.
പോലീസ് ആക്ടിനെ സംബന്ധിച്ച എല്ലാ അഭിപ്രായങ്ങളും ക്രിയാത്മക നിര്‍ദേശങ്ങളും സിപിഎം പരിഗണിക്കുമെന്നും കേന്ദ്ര നേതൃത്വം ട്വിറ്ററിലൂടെ വ്യക്തമാക്കി. കേരള സര്‍ക്കാരിന്റെ പുതിയ നിയമം അഭിപ്രായ സ്വാതന്ത്ര്യത്തേയും മാധ്യമ സ്വാതന്ത്ര്യത്തേയും ഇല്ലാതാക്കുന്നതാണെന്ന കടുത്ത വിമര്‍ശനങ്ങളുടെ പശ്ചാത്തലത്തിലാണ് കേന്ദ്രനേതൃത്വത്തിന്റെ പ്രതികരണം.
The LDF Govt in Kerala will certainly consider all creative opinions and suggestions that are being aired with regard to this amendment.#KeralaPoliceActAmendment #118A
— CPI (M) (@cpimspeak) November 22, 2020
സൈബര്‍ ആക്രമണങ്ങള്‍ തടയാന്‍ സംസ്ഥാന സര്‍ക്കാര്‍ കൊണ്ടുവന്ന പോലീസ് നിയമ ഭേദഗതിക്ക് കഴിഞ്ഞ ദിവസമാണ് അനുമതി നല്‍കിയത്. പോലീസ് ആക്ടില്‍ 118 എന്ന വകുപ്പ് കൂട്ടിച്ചേര്‍ത്താണ് ഭേദഗതി ചെയ്തിരിക്കുന്നത്. സര്‍ക്കാരിന്റെ ഈ നടപടിക്കെതിരെ കടുത്ത വിമര്‍ശനങ്ങളാണ് ഉയരുന്നത്.
