കൊച്ചി: പാലാരിവട്ടം പാലം അഴിമതി കേസില്‍ മുന്‍ പൊതുമരാമത്ത് വകുപ്പ് മന്ത്രി വി.കെ ഇബ്രാഹിംകുഞ്ഞിന് ജാമ്യമില്ല. വിജിലന്‍സിന്റെ കസ്റ്റഡി അപേക്ഷയും വിജിലന്‍സ് കോടതി തള്ളി. ഒരു ദിവസം ചോദ്യം ചെയ്യാന്‍ അനുമതി നല്‍കി. ആശുപത്രിയില്‍ വെച്ച് നിബന്ധനകളോടെ ചോദ്യം ചെയ്യാമെന്നും കോടതി അറിയിച്ചു.
നംവംബര്‍ 30നാണ് ഇബ്രാഹിംകുഞ്ഞിനെ ചോദ്യം ചെയ്യാന്‍ അനുമതി നല്‍കിയിരിക്കുന്നത്. അന്വേഷണ ഉദ്യോഗസ്ഥന്‍ ചോദ്യം ചെയ്യലിന് മുന്‍പ് കോവിഡ് ടെസ്‌റ്റ് നടത്തിയിരിക്കണം. ചോദ്യം ചെയ്യല്‍ ചികിത്സയ്‌ക്ക് തടസമാകരുതെന്നും ഒരു മണിക്കൂര്‍ ചോദ്യം ചെയ്‌താല്‍ പതിനഞ്ച് മിനിട്ട് വിശ്രമം നല്‍കണമെന്നും കോടതി നിര്‍ദ്ദേശമുണ്ട്. ചോദ്യം ചെയ്യുന്ന സംഘത്തില്‍ മൂന്ന്പേര്‍ മാത്രമേ ഉണ്ടാകാവൂ എന്നും നിബന്ധനയുണ്ട്.
