ശ്രീനഗര്‍: താനും കുടുംബവും വീട്ടുതടങ്കലിലെന്ന് നാഷണല്‍ കോണ്‍ഫറന്‍സ് നേതാവും ജമ്മു കശ്മീര്‍ മുഖ്യമുഖ്യമന്ത്രിയുമായ ഒമര്‍ അബ്ദുള്ള. തന്റെ പിതാവും എന്‍സി പ്രസിഡന്റുമായ ഫറൂഖ് അബ്ദുള്ള, സഹോദരി, കുട്ടികള്‍ എന്നിവരേയും അധികൃതര്‍ വീട്ടില്‍ പൂട്ടിയിട്ടിരിക്കുകയാണെന്ന് ഒമര്‍ ട്വീറ്റ് ചെയ്തു. ഗുപ്കാറിലെ വീടിനു പുറത്ത് ഗേറ്റിനു വെളിയിലായി പൊലീസ് വാഹനങ്ങള്‍ കിടക്കുന്നതിന്റെ ചിത്രങ്ങളും അദ്ദേഹം ട്വീറ്റ് ചെയ്തിട്ടുണ്ട്.
This is the “naya/new J&K” after Aug 2019. We get locked up in our homes with no explanation. It’s bad enough they’ve locked my father (a sitting MP) & me in our home, they’ve locked my sister & her kids in their home as well. pic.twitter.com/89vOgjD5WM
— Omar Abdullah (@OmarAbdullah) February 14, 2021
‘2019 ഓഗസ്റ്റിനു ശേഷമുള്ള പുതിയ ജമ്മു കശ്മീരാണിത്. ഒരു വിശദീകരണവുമില്ലാതെ ഞങ്ങളെ ഞങ്ങളുടെ വീട്ടില്‍ പൂട്ടിയിട്ടിരിക്കുകയാണ്. എം.പികൂടിയായ എന്റെ പിതാവിനെയും എന്നെയും സഹോദരിയേയും അവരുടെ കുട്ടികളേയും അവരുടെ വീട്ടിലും പൂട്ടിയിട്ടത് മോശമാണെന്നും’ ഒമര്‍ അബ്ദുള്ള ട്വീറ്റില്‍ പറയുന്നു. തന്റെ വീട്ടിലെ ജീവനക്കാരെ വീടിനുള്ളിലേക്ക് കടത്തിവിടുന്നില്ലെന്ന് മറ്റൊരു ട്വീറ്റില്‍ ഒമര്‍ പറയുന്നു.
2019 ലെ പുല്‍വാമ ആക്രമണത്തിന്റെ വാര്‍ഷികത്തിന്റെ ഭാഗമായി നേതാക്കളുടേയും വിഐപികളുടേയും ഭാഗത്തുനിന്നുള്ള പ്രവര്‍ത്തനങ്ങള്‍ നിരുത്സാഹപ്പെടുത്താനാണ് നടപടിയെന്ന് ജമ്മു കശ്മീര്‍ പൊലീസ് പ്രസ്താവനയില്‍ വ്യക്തമാക്കി. താനും വീട്ടുതടങ്കലിലാണെന്ന് പിഡിപി പ്രസിഡന്റ് മെഹ്ബൂബ മുഫ്തിയും ശനിയാഴ്ച വ്യക്തമാക്കിയിരുന്നു.
