കനത്ത മഴയും കാറ്റും വരും ദിവസങ്ങളിലും തുടരുമെന്ന് കാലാവസ്ഥാ കേന്ദ്രം മുന്നറിയിപ്പ് നല്‍കുന്നു. മസ്‌ക്കറ്റില്‍ പ്രധാന റോഡുകളില്‍ വെള്ളക്കെട്ട് രൂക്ഷം.
മസ്‌കറ്റ് : ഒമാനില്‍ ബുധനും വ്യാഴവും കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. മഴയും നിരത്തുകളിലെ വെള്ളക്കെട്ടും മൂലം ചൊവ്വാഴ്ച സ്‌കൂളുകള്‍ക്ക് അവധി നല്‍കിയിരുന്നു.
നിരവധി വാഹനങ്ങള്‍ക്കും വ്യാപാര സ്ഥാപനങ്ങള്‍ക്കും കാര്‍ഷിക വിളകള്‍ക്കും കനത്ത മഴ വന്‍ നാശ ന ഷ്ടങ്ങള്‍ വരുത്തിയെന്നാണ് റിപ്പോര്‍ട്ടുകള്‍. ശക്തമായ മഴ വാരാന്ത്യം വരെ തുടരുമെന്നതിനാല്‍ ജനം ജാ ഗ്രതപാലിക്കണമെന്നും വാഹനമോടിക്കുന്നവര്‍ നിറഞ്ഞൊഴുകുന്ന നദികള്‍ മറികടക്കാന്‍ ശ്രമിക്കരുതെ ന്നും ഒമാന്‍ റോയല്‍ പോലീസ് നിര്‍ദ്ദേശിച്ചു.
നിരവധി റോഡുകള്‍ വെള്ളം കയറിയ നിലയിലാണ്. കടലില്‍ പോകുന്നവരും ബീച്ചുകളില്‍ നീന്തുന്നവ രും ജാഗ്രത പാലിക്കണമെന്നും കഴിവതും വീടുകളില്‍ കഴിയണമെന്നും പോലീസ് അഭ്യര്‍ത്ഥിച്ചു.
Flooding in Oman after heavy rains. Flooding in Muscat, #Oman pic.twitter.com/vFDrjUfomu
— #كابتن_غازي_عبداللطيف (@CaptainGhazi) January 4, 2022
കനത്ത കാറ്റിന് സാധ്യതയുള്ളതിനാല്‍ കടലില്‍ ഏഴുമീറ്റര്‍ ഉയരത്തില്‍ വരെ തിരമാലകള്‍ ഉയരാം. ഷോ പ്പിംഗ് മാളുകളുടെ ബേസ്‌മെന്റുകളില്‍ പാര്‍ക്കു ചെയ്ത കാറുകള്‍ വെള്ളക്കെട്ടില്‍ കുടുങ്ങിയ നിലയിലാ ണ്. ഇതിന്റെ ദൃശ്യങ്ങള്‍ സോഷ്യല്‍ മീഡിയയില്‍ ചിലര്‍ പോസ്റ്റു ചെയ്തിട്ടുണ്ട്. അണ്ടര്‍ പാസുകളിലും വെ ള്ളക്കെട്ടുകള്‍ ഉണ്ട്. കാറുകള്‍ ഇതുവഴി പോകുന്നത് തടഞ്ഞിട്ടുണ്ട്.
നിരത്തുകള്‍ വെള്ളം കയറിയ നിലയിലായതിനെ തുടര്‍ന്ന് ചൊവ്വാഴ്ച രാവിലെ ജോലിക്ക് പുറപ്പെട്ട പലരും പാതിവഴിയില്‍ യാത്ര മതിയാക്കി വീടുകളിലേക്ക് മടങ്ങി.
Heavy rain in Oman
Stay home
Stay safe#Oman #مسقط #منخفض_العزم pic.twitter.com/WAycNhha0c
— Naheed Tariq (@NahdT5) January 4, 2022
Heavy rains in Muscat disrupt traffic.#Oman#مسقط pic.twitter.com/ERV34Io1PJ
— WASEEM MUGHAL (@waseem786_) January 4, 2022
കടകളില്‍ വെള്ളം കയറിയതിനെ തുടര്‍ന്ന് വ്യാപാര സ്ഥാപനങ്ങള്‍ തുറക്കാന്‍ വയ്യാത്ത നിലിയിലാണ്. ശ ക്തമായ കാറ്റിനെ തുടര്‍ന്ന് ചിലയിടങ്ങളില്‍ മരങ്ങള്‍ നിലം പൊത്തിയിട്ടുണ്ട്. അല്‍ ഹംറ, ദാകിലിയ മേ ഖലകളിലെ പച്ചക്കറി കൃഷിയിടങ്ങളില്‍ മലവെള്ളം ഒഴുകിയെത്തിയതിനെ തുടര്‍ന്ന് വിളകള്‍ക്ക് നാ ശനഷ്ടമുണ്ടായതായും റിപ്പോര്‍ട്ടുകളുണ്ട്.
Stay safe #Oman #heavyrains #rains #muscat pic.twitter.com/ejMyIXHlho
— TFM Oman (@TFMOman) January 4, 2022
ഷഹീന്‍ ചുഴലിക്കാറ്റുമൂലം കഴിഞ്ഞ ഒക്ടോബറില്‍ ഉണ്ടായ പ്രളയത്തിനു തുല്യമാണ് നിലവിലെ സാഹച ര്യമെന്ന് വിലയിരുത്തുന്നു. 11 പേരുടെ മരണത്തിന് ഇടയാക്കിയ വെള്ളപ്പൊക്കം സൃഷ്ടിച്ച നാശനഷ്ടങ്ങളി ല്‍ നിന്ന് കരകയറി മൂന്നു മാസങ്ങള്‍ക്കകമാണ് രണ്ടാമതും പ്രളയം എത്തുന്നത്.
ഇതുവരെ ആറു പേരുടെ ജീവന്‍ നഷ്ടപ്പെട്ടതായാണ് ദുരന്ത നിവാരണ സമിതിയുടെ കണക്ക്. നദികള്‍ മുറിച്ചു കടക്കുന്നതിനിടെ കാര്‍ മലവെള്ളപ്പാച്ചിലില്‍ അകപ്പെട്ടാണ് മരിച്ചവരിലധികവും.
