മസ്കറ്റ്: രാജ്യത്തെത്തുന്ന യാത്രക്കാര്ക്കുളള നിര്ബന്ധിത ഹോട്ടല് ക്വാറന്റൈനില് ചില വിഭാഗങ്ങളിലുളളവര്ക്ക് ഇളവ് ഏര്പ്പെടുത്തി ഒമാന്. വിവിധ വിഭാഗങ്ങളിലുളള യാത്രക്കാരെ ചെക്ക് ഇന് സമയത്ത് ചെയ്ത ഹോട്ടല് റിസര്വേഷന് രേഖകള് കാണിക്കുന്നതില് നിന്ന് ഒഴിവാക്കിയതായി സിവില് ഏവിയേഷന് പൊതു അതോറിറ്റി വിമാന കമ്പനികള്ക്ക് സര്ക്കുലര് നല്കി.
കൂടാതെ ഒമാനിലെ വിദേശ കാര്യാലയങ്ങളില് ജോലി ചെയ്യുന്ന നയതന്ത്ര ഉദ്യോഗസ്ഥര്, ഒമാന് സന്ദര്ശിക്കുന്ന നയതന്ത്ര ഉദ്യോഗസ്ഥര് അവരുടെ കുടുംബാംഗങ്ങള് എന്നിവര്ക്ക് ഇളവ് ഉണ്ടാകും. ഇതിന് പുറമെ 16 ല് താഴെയും 60 ന് മുകളിലും പ്രായമുളളവര്, വിമാന ജീവനക്കാര്, രോഗികളായ യാത്രക്കാര് ( മെഡിക്കല് സാഹചര്യങ്ങളെ കുറിച്ച് ഡോക്ടര്മാരുടെ കത്ത് ഉണ്ടാകണം) റിലീഫ് ആന്ഡ് ഷെല്ട്ടര് വിഭാഗത്തിന്റെ അംഗീകാരമുളള സ്വകാര്യ ഇന്സ്റ്റിറ്റിയൂഷനല് ക്വാറന്റൈന് കേന്ദ്രങ്ങളുടെ പെര്മിറ്റുകള് കൈവശമുളളഴര് എന്നിവര്ക്കും ചെക്ക് ഇന് സമയത്ത് മുന്കൂര് ഹോട്ടല് റിസര്വേഷന് സംബന്ധിച്ച രേഖകള് കാണിക്കേണ്ടതില്ലെന്ന് സര്ക്കുലറില് പറയുന്നു. അതേസമയം ക്വാറന്റൈന് സംബന്ധിച്ച മറ്റു നിര്ദേശങ്ങളില് മാറ്റമില്ല.
