മസ്കറ്റ്: ഒമാനിലേക്ക് വരുന്നവര്ക്ക് വിമാന യാത്രയ്ക്ക് മുമ്പ് പിസിആര് പരിശോധന നടത്തണമെന്ന നിബന്ധന ഒഴിവാക്കി. ആരോഗ്യമന്ത്രി ഡോ.അഹമ്മദ് അല് സഈദി ആണ് ഇക്കാര്യം അറിയിച്ചത്. എന്നാല് വിമാനത്താവളത്തില് പരിശോധന തുടരും. അതേസമയം കരാതിര്ത്തി വരുന്നവരുടെ കൈവശം പിസിആര് പരിശോധനാ ഫലം നിര്ബന്ധമാണെന്നും ആരോഗ്യ മന്ത്രി സുപ്രീം കമ്മിറ്റിയുടെ വാര്ത്താ സമ്മേളനത്തില് അറിയിച്ചു. യാത്രക്കാരുടെ കൈവശം ആരോഗ്യ ഇന്ഷുറന്സ് നിര്ബന്ധമായും ഉണ്ടായിരിക്കണം.
പളളികളില് പ്രവവേശിക്കുന്നതിന് കുട്ടികള്ക്കും പ്രായമായവര്ക്കും ഏര്പ്പെടുത്തിയ നിയന്ത്രണങ്ങള് നീക്കിയതായി ആരോഗ്യ മന്ത്രി പറഞ്ഞു. ഒക്ടോബര് പകുതി മുതല് ഒമാനിലെ രോഗബാധ കുറഞ്ഞു വരികയാണ്. മുന് കരുതല് നടപടികള് കര്ശനമായി പാലിക്കുന്നതിനാണ് രാജ്യത്ത് രോഗബാധ കുറയക്കാന് സാധിച്ചത്. ആ മാസം അവസാനത്തോടെ ആദ്യഘട്ട വാക്സിന് ലഭ്യമാക്കുമന്നെും മന്ത്രി പറഞ്ഞു.
