ചെന്നൈ: ബംഗാള് ഉള്ക്കടലില് രൂപംകൊണ്ട നിവാര് ചുഴലിക്കാറ്റിന്റെ വേഗത കൂടുന്നു. മണിക്കൂറില് 130 മുതല് 155 കിലോമീറ്റര് വരെ വേഗത്തില് ആഞ്ഞടിക്കും. തമിഴ്നാട്ടിലെ 13 ജില്ലകളില് നാളെയും അവധി പ്രഖ്യാപിച്ചു. ചെമ്പരപാക്കം തടാകത്തിന്റെ ഏഴ് ഷട്ടറുകള് ഉയര്ത്തി. വൈകീട്ടോടെ മഴ കൂടുതല് ശക്തമാകുമെന്നാണ് മുന്നറിയിപ്പ്
നിവാര് ചുഴലിക്കാറ്റ് ചെന്നൈയിലുമെത്തും. 80 മുതല് 100 കിലോമീറ്റര് വേഗത്തില് ചെന്നൈയില് കാറ്റ് വീശും. ചെന്നൈയില് നിന്നുള്ള 27 ട്രെയിനുകള് നാളെയും റദ്ദാക്കി. എറണാകുളം-കാരയ്ക്കല് ട്രെയിന് തിരുച്ചിറപ്പള്ളി വരെ മാത്രമേ ഉണ്ടാകൂ. പൊതുഗതാഗത സര്വീസും ഉണ്ടാകില്ല.
