ഡല്‍ഹി: കാര്‍ഷിക നിയമങ്ങള്‍ മരവിപ്പിച്ച് നിര്‍ത്താമെന്ന വാഗ്ദാനത്തില്‍ ഉറച്ചു നില്‍ക്കുന്നുവെന്ന് പ്രധാനമന്ത്രി നരേന്ദ്ര മോദി. കര്‍ഷകര്‍ക്ക് അതിന്മേല്‍ ചര്‍ച്ച നടത്തി തീരുമാനം അറിയിക്കാമെന്നും ചര്‍ച്ചയ്ക്ക് കേന്ദ്രസര്‍ക്കാര്‍ എപ്പോഴും തയ്യാറെന്നും പ്രധാനമന്ത്രി പറഞ്ഞു. സര്‍വ്വകക്ഷി യോഗത്തിലാണ് പ്രധാനമന്ത്രി നിലപാട് അറിയിച്ചത്.
അതേസമയം കര്‍ഷക സമരത്തിനിടെയുണ്ടായ അക്രമവുമായി ബന്ധപ്പെട്ട് സിംഗുവില്‍ 11 പേര്‍ അറസ്റ്റിലായി. കര്‍ഷക സമര വേദിക്കെതിരെയുളള പ്രതിഷേധങ്ങളെ തുടര്‍ന്ന് സിംഗു, തിക്രി അതിര്‍ത്തികള്‍ അതീവ ജാഗ്രതയിലാണ്. ഡല്‍ഹി അതിര്‍ത്തികളില്‍ സുരക്ഷ ശക്തമാക്കി. സമരത്തെ സംഘടിതമായി അട്ടിമറിക്കാനുളള ശ്രമമാണെന്ന് സംഘടനകള്‍ കുറ്റപ്പെടുത്തി.
