കൊച്ചി: കള്ളപ്പണം വെളുപ്പിച്ചെന്ന പരാതിയില് ഇബ്രാഹിം കുഞ്ഞിനെ ഇഡി ചോദ്യം ചെയ്തതിന് ശേഷം വിട്ടയച്ചു. നോട്ട് നിരോധനത്തിന് തൊട്ടുപിന്നാലെ പത്ത് കോടിയുടെ കള്ളപ്പണം വെളുപ്പിച്ചെന്ന കേസിലാണ് ചോദ്യം ചെയ്യുന്നതിനായി ഇഡി ഇബ്രാഹിംകുഞ്ഞിനെ വിളിപ്പിച്ചത്. ഇതില് പാലാരിവട്ടം പാലം കോഴപ്പണം ഉള്പ്പെട്ടിട്ടുണ്ടെന്നാണ് സംശയിക്കുന്നത്.
ഇബ്രാഹിം കുഞ്ഞിന്റെ നിയന്ത്രണത്തിലുള്ള മാധ്യമസ്ഥാപനത്തിന്റെ രണ്ട് അക്കൗണ്ടുകള് വഴി കള്ളപ്പണം വെളുപ്പിച്ചെന്നാണ് ആരോപണം. ഇതുമായി ബന്ധപ്പെട്ട് കളമശേരി സ്വദേശി ഗിരീഷ് ബാബു ഹൈക്കോടതിയെ സമീപിച്ചിരുന്നു. കോടതി നിര്ദേശപ്രകാരമാണ് ഇഡി അന്വേഷണം ആരംഭിച്ചത്.
