തിരുവനന്തപുരം: മറഡോണയുടെ വിയോഗത്തില് കേരള കായിക മേഖലയില് രണ്ട് ദിവസം ദു:ഖാചരണം നടത്താന് തീരുമാനിച്ച് കായിക വകുപ്പ്. കായിക മേഖലയൊന്നാകെ ദുഃഖാചരണത്തില് പങ്കുചേരണമെന്ന് കായികമന്ത്രി ഇ പി ജയരാജന് അഭ്യര്ത്ഥിച്ചു. നവംബര് 26,27 തീയതികളില് ദുഃഖാചരണം നടത്താനാണ് കായിക വകുപ്പ് തീരുമാനിച്ചിരിക്കുന്നത്.
ഫുട്ബോള് ഇതിഹാസം ഡീഗോ മറഡോണയുടെ വേര്പാട് ലോകമെങ്ങുമുള്ള ഫുട്ബോള് ആരാധകരെ കടുത്ത ദുഃഖത്തില് ആഴ്ത്തിയിരിക്കുകയാണ്. കേരളത്തിലും ലക്ഷക്കണക്കിന് ആരാധകര് ആ വേര്പാട് വിശ്വസിക്കാന് കഴിയാതെ വിങ്ങലിലാണ്. ഈ സാഹചര്യത്തിലാണ് കായിക വകുപ്പ് ഇത്തരത്തിലൊരു തീരുമാനമെടുത്തിരിക്കുന്നു.
