അടുത്തിടെ അബുദാബിയിലെ വൈദ്യുത പദ്ധതിയുടെ നിര്‍മാണ കരാറും എല്‍ആന്‍ഡ് ടി ക്ക് ലഭിച്ചിരുന്നു. അബുദാബിയിലെ 220 കെ വി സബ്‌സ്റ്റേഷനുകളുടെ നിര്‍മാണത്തോടൊപ്പമാണ് കുവൈറ്റിലെ 400 കെ വി സബ്‌സ്റ്റേഷന്റേയും 380 കെ വി സബ് സ്റ്റേഷനുകളുടേയും നിര്‍മാണ കരാര്‍ എല്‍ആന്‍ഡ് ഡി കരസ്ഥമാക്കിയത്.
കൂവൈറ്റ് സിറ്റി : കുവൈറ്റ് വൈദ്യുതി വകുപ്പിന്റെ സുപ്രധാന സബ്‌സ്റ്റേഷന്‍ നിര്‍മാണ പദ്ധതി ഇന്ത്യന്‍ നിര്‍മാണ കമ്പനിയായ എല്‍ ആന്‍ഡ് ടി ക്ക് ലഭിച്ചു, 380 കെവി സബ് സ്റ്റേഷനുകളുടെ നിര്‍മാണവും ഇതിന്റെ കേബിളിംഗ് കരാര്‍ ജോലിയുമാണ് എല്‍ ആന്‍ഡ് ടിക്ക് ലഭിച്ചത്.
കുവൈറ്റിലെ കരാര്‍ 51 മില്യണ്‍ യുഎസ് ഡോളറിന്റേതാണ്.
എല്‍ ആന്‍ഡ് ടി യുടെ ഹൈഡ്രോകാര്‍ബണ്‍ ഡിവിഷന്‍ മുമ്പ് കുവൈറ്റ ഓയില്‍ കമ്പനിയുടെ പദ്ധതികളുടെ കരാര്‍ കരസ്ഥമാക്കിയിട്ടുണ്ട്. വാതക പൈപ്പ് ലൈന്‍ നിര്‍മാണ കരാറും എല്‍ ആന്‍ഡ് ടി വിജയകരമായി പൂര്‍ത്തികരിച്ചിട്ടുമുണ്ട്.
ഇന്ത്യയിലും എല്‍ ആന്‍ഡ് ടി കണ്‍സ്ട്രക്ഷന്‍സിന് വന്‍ നിര്‍മാണ പദ്ധതിയുടെ കരാര്‍ അടുത്തിടെ ലഭിച്ചിരുന്നു. ബംഗലൂരില്‍ 6,768 അപ്പാര്‍ട്ടുമെന്റുകളുള്ള 39 ടവറുകളുടെ നിര്‍മാണമാണ് ഇത്. 2500 കോടിയോളം വരുന്ന കരാറാണ് ലഭിച്ചത്. 27 നിലകള്‍ മുതല്‍ 31 നിലകള്‍ വരെയുള്ളതാണ് റസിഡന്‍ഷ്യല്‍ ടവറുകള്‍. 42 മാസമാണ് ഇതിന്റെ നിര്‍മാണ കാലാവധി.
