കണ്ണൂര്‍: തദ്ദേശ തെരഞ്ഞെടുപ്പില്‍ എല്‍ഡിഎഫ് ചരിത്ര വിജയം നേടുമെന്ന് മന്ത്രി ഇ.പി ജയരാജന്‍. വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്. ജനങ്ങള്‍ക്കിടയില്‍ പ്രവര്‍ത്തിക്കുന്ന ജനകീയ വ്യക്തിത്വങ്ങളാണ് ഇടതു മുന്നണി സ്ഥാനാര്‍ത്ഥികളെന്നും അദ്ദേഹം പറഞ്ഞു.
തെരഞ്ഞെടുപ്പില്‍ ഇടതു മുന്നണി ജയിച്ചു വരും. നാടാകെ സര്‍ക്കാരിന്റെ നയങ്ങളെ പ്രശംസിക്കുകയാണ്. കോവിഡ് മഹാമാരിയുടെ കാലതത്ത് ജനസേവനം നടത്തിയവരെയാണ് സ്ഥാനാര്‍ത്ഥികളാക്കിയരിക്കുന്നത്. ജനത്തിന് അവര്‍ ഭക്ഷണവും പാര്‍പ്പിടവും ഉറപ്പാക്കി. നാടാകെ വികസിച്ചു വരികയാണെന്നും അദ്ദേഹം പറഞ്ഞു.
