തിരുവനന്തപുരം: ലൈഫ് മിഷന് ക്രമക്കേടില്‍ ഹൈക്കോടതിയില്‍ വാദം തുടങ്ങി. എഫ്‌ഐആറില്‍ ലൈഫ് മിഷനെ വലിച്ചിഴച്ച സിബിഐ നടപടി തെറ്റെന്ന് സര്‍ക്കാര്‍. യൂണിടാക് ഇടപാടില്‍ സര്‍ക്കാരിന് ബന്ധമില്ല. കൈക്കൂലി അന്വേഷിക്കേണ്ടത് അഴിമതി നിരോധന നിയമപ്രകാരമാണ്. ഭൂമി കൊടുക്കുക മാത്രമാണ് സര്‍ക്കാര്‍ ചെയ്തതെന്ന് സര്‍ക്കാര്‍ കോടതിയെ അറിയിച്ചു. റെഡ്ക്രസന്റ് നേരിട്ടാണ് യൂണിടാക്കിന് പണം നല്‍കിയതെന്നും സര്‍ക്കാര്‍ പറഞ്ഞു.
മനുഷ്യത്വപരമായ പദ്ധതിയാണ് ലൈഫ്. അതിന്റെ ഉദ്യോഗസ്ഥരെ സംരക്ഷിക്കേണ്ട ഉത്തരവാദിത്വം ഉള്ളതിനാലാണ് ഹര്‍ജി. നിലവിലെ വകുപ്പുകള്‍ നിലനില്‍ക്കുന്നതല്ലെന്നും സര്‍ക്കാര്‍ കോടതിയെ അറിയിച്ചു.
സര്‍ക്കാരിന്റെ ഭാഗമായ ഒരു പ്രൊജക്ടാണ്.ലൈഫ് മിഷന് വിദേശത്ത് നിന്ന് പണം ലഭിച്ചിട്ടില്ലെന്ന് സര്‍ക്കാര്‍ ഹൈക്കോടതിയില്‍ പറഞ്ഞു. എഫ്.സി.ആര്‍.എ പരിധിയില്‍ വരില്ല, കള്ളപ്പണം വെളുപ്പിക്കലോ, ഹവാലയോ അല്ല. സിബിഐ കോടതിയില്‍ നല്‍കിയതും അപ്‌ലോഡ് ചെയ്ത എഫ്‌ഐആറും വ്യത്യസ്തമാണ്. സര്‍ക്കാരിന് പങ്കെന്നത് രാഷ്ട്രീയ ആരോപണം മാത്രമാണെന്നും സര്‍ക്കാര്‍ കോടതിയെ അറിയിച്ചു.
