ബഹ്‌റൈനിലെ കരകൗശല ഉത്പന്നങ്ങളും മറ്റു പരമ്പരാഗത വ്യവസായങ്ങളും ലോകത്തിന് പരിചയപ്പെടുത്തുന്നതിന്റെ ഭാഗമായുള്ള മെയ്ക്ക് ഇന്‍ ബഹ്റൈന് പദ്ധതിക്ക് തുടക്കമായി. ലോക ടൂറിസം ദിനാചരണത്തിന്റെ ഭാഗമായാണ് ഈ സംരംഭത്തിന് ബഹ്റൈന് അതോറിറ്റി ഫോര്‍ കള്‍ചര്‍ ആന്‍ഡ്ആന്റിക്വിറ്റീസ് തുടക്കമിട്ടത്.
ബഹ്റൈന് സമൂഹത്തിലെ പൈതൃകങ്ങളെ പുനരുജ്ജീവിപ്പിക്കുക,സ്വദേശത്തും,വിദേശത്തും ബഹ്റൈന് നിര്‍മ്മിത കരകൗശല ഉത്പന്നങ്ങള്‍ക്ക് കൂടുതല്‍ പ്രചാരം നല്‍കുക എന്ന ലക്ഷ്യത്തോടെയാണ് പദ്ധതി നടപ്പാക്കുന്നത്. മേഡ് ഇന്‍ ബഹ്റൈന് പദ്ധതി പ്രകാരമുള്ള ആദ്യ ഉല്‍പന്നങ്ങള്‍ ഉടന്‍ പുറത്തിറക്കുമെന്ന് അതോറിറ്റി പ്രഖ്യാപിച്ചു. ബഹ്‌റൈനിലെ പാരമ്പര്യ കരകൗശല ഉല്‍പന്നങ്ങള്‍ ആഗോള വിപണിയിലേക്ക് എന്നതാണ് സംരംഭത്തിലൂടെ ഉദ്ദേശിക്കുന്നതെന്ന് ബി.എ.സി.എ വ്യക്തമാക്കി.
