ന്യൂഡല്ഹി: ആരോഗ്യനില മോശമായതിനെത്തുടര്ന്ന് ബിഹാര് മുന് മുഖ്യമന്ത്രിയും ആര്ജെഡി നേതാവുമായ ലാലു പ്രസാദ് യാദവിനെ ഡല്ഹിയിലെ എയിംസിലേക്ക് മാറ്റി. എഴുപത്തിരണ്ടുകാരനായ ലാലു റാഞ്ചിയിലെ രാജേന്ദ്ര ഇന്സ്റ്റിറ്റ്യൂട്ട് ഒഫ് മെഡിക്കല് സയന്സസ് ആശുപത്രിയില് ചികിത്സയിലായിരുന്നു.
ശ്വാസകോശ അണുബാധ രൂക്ഷമായതിനെത്തുടര്ന്നാണ് എയിംസിലേക്ക് മാറ്റിയത്. വൃക്ക സംബന്ധമായ പ്രശ്നങ്ങളുമുണ്ട്.ഇന്നലെ രാത്രിയാണ് അദ്ദേഹത്തെ വിമാന മാര്ഗം ഡല്ഹിയിലെത്തിച്ചത്. വെള്ളിയാഴ്ച രാത്രി അദ്ദേഹത്തെ സന്ദര്ശിച്ച തേജസ്വി യാദവ് പിതാവിന്റെ ആരോഗ്യനിലയുമായി ബന്ധപ്പെട്ട് ആശങ്ക മാദ്ധ്യമങ്ങളോട് പങ്കുവച്ചിരുന്നു.
പിതാവിന് മികച്ച ചികിത്സ നല്കണമെന്ന് തേജസ്വി യാദവ് ജാര്ഖണ്ഡ് മുഖ്യമന്ത്രി ഹേമന്ത് സോറനോട് ആവശ്യപ്പെട്ടിരുന്നു. കാലത്തീറ്റ കുംഭകോണ കേസില് 2017 ഡിസംബര് മുതല് ലാലു പ്രസാദ് യാദവ് ജയിലിലാണ്. അനാരോഗ്യം മൂലം പിന്നീട് ജാര്ഖണ്ഡിലെ ആശുപത്രിയിലേക്ക് മാറ്റുകയായിരുന്നു
