കുവൈത്ത് സിറ്റി: കുവൈത്തില്‍ ഇനി മുതല്‍ സര്‍ക്കാര്‍ പൊതുമേഖലാ സ്ഥാപനങ്ങളില്‍ വിദേശികളെ നിയമിക്കില്ല. പ്രവാസികളെ നിയമിക്കാനുള്ള അപേക്ഷകള്‍ പൂര്‍ണമായി നിരസിക്കും. അത്തരം അപേക്ഷകള്‍ സര്‍ക്കാര്‍ വകുപ്പുകള്‍ മുന്നോട്ടു വെച്ചാലും അംഗീകരിക്കില്ലെന്ന്‌
കുവൈത്ത് സിവില്‍ സര്‍വീസ് കമ്മീഷന്‍ അറിയിച്ചു. മുനിസിപ്പാലിറ്റിയില്‍ ജോലി ചെയ്യു ചില പ്രവാസി ജീവനക്കാരുടെ കരാര്‍ അവസാനിപ്പിച്ച ശേഷം ഇവരെ പ്രത്യേക കരാറുണ്ടാക്കി വീണ്ടും നിയമിക്കാന്‍ അപേക്ഷ നല്‍കിയതായുള്ള റിപ്പോര്‍ട്ടുകളോട് പ്രതികരിക്കുകയായിരു കമ്മീഷന്‍.
കുവൈത്ത് സര്‍വകലാശാലയിലെ മുപ്പതോളം മലയാളികള്‍ക്ക് പിരിച്ചു വിടല്‍ നോട്ടീസ് നല്‍കി കഴിഞ്ഞു. നിലവില്‍ ജോലി ചെയ്യുന്ന വിദേശികളെ ഘട്ടം ഘട്ടമായി ഒഴിവാക്കാനാണ് തീരുമാനം. രാജ്യം ശക്തമായ സ്വദേശിവത്കരണ നടപടികളുമായി മുന്നോട്ടു പോകുന്ന സാഹചര്യത്തില്‍ സര്‍ക്കാര്‍ മേഖലയില്‍ നിരവധി മലയാളികള്‍ക്ക് ഭാവിയില്‍ ജോലി നഷ്ടപ്പെടാന്‍ സാധ്യതയുണ്ടെന്ന് പുതിയ നീക്കങ്ങള്‍ വ്യക്തമാക്കുന്നു.
