കാസര്‍ഗോഡ്: ഔഫ് അബ്ദുള്‍ റഹ്മാന്റെ കൊലപാചകത്തിനു പിന്നില്‍ രാഷ്ട്രീയ ഗൂഢാലോടന നടന്നിട്ടുണ്ടെന്ന് മന്ത്രി കെ.ടി ജലീല്‍. തോല്‍ക്കുമ്പോള്‍ ലീഗ് ആളുകളെ വകവരുത്തുകയാണെന്ന് ഔഫിന്റെ വീട് സന്ദര്‍ശിച്ച മന്ത്രി മാധ്യമങ്ങളോട് പറഞ്ഞു.
മുസ്ലീം ലീഗ് അക്രമ രാഷ്ട്രീയം തുടരുകയാണെന്നും കൊലപാതകത്തിന് കാരണം ഔഫ് രാഷ്ട്രീയമായി ഡി.വൈഎഫ്.ഐക്കാരനായതും, മത വിഷയങ്ങളില്‍ ഔഫ് എപി വിഭാഗമായതും ആണെന്നും ജലീല്‍ കൂട്ടിച്ചേര്‍ത്തു.
കുഞ്ഞാലിക്കുട്ടിയുടെ സംസ്ഥാന രാഷ്ട്രീയത്തിലേക്കുള്ള തിരിച്ചുവരവിനെ പറ്റി ചോദിച്ചപ്പോള്‍ പിണറായിയുടെ യാഗാശ്വത്തെ പിടിച്ചു കെട്ടാന്‍ വരണ്ടുണങ്ങിയ ചങ്ങലകള്‍ക്കാവില്ലെന്നും ജലീല്‍ പരിഹസിച്ചു.
