കേരള സ്റ്റേറ്റ് ഐ.ടി ഇന്‍ഫ്രാ സ്‌ട്രെക്ചര്‍ ലിമിറ്റഡില്‍ കസ്റ്റംസ് റെയ്ഡ്. എം ശിവശങ്കര്‍ കെഎസ്‌ഐടിഐഎല്‍ ചെയര്‍മാനായിരുന്നു. സ്വര്‍ണക്കടത്ത് കേസ് പ്രതി സ്വപ്ന ജോലി ചെയ്തിരുന്നത് കെഎസ്‌ഐടിഐഎല്ലിന് കീഴിലാണ്. ശിവശങ്കറിന്‍റെ ഫ്‌ളാറ്റിലും പരിശോധന നടക്കുന്നുണ്ട്. സന്ദര്‍ശക രജിസ്റ്റര്‍ പരിശോധിക്കുന്നു. കോഴിക്കോട്ട് ചില ജ്വല്ലറികളിലും പരിശോധന നടക്കുന്നുണ്ട്. കേസിലെ പ്രതി സന്ദീപ് നായരുടെ പെട്ടി തുറക്കാനുള്ള നടപടികള്‍ ആരംഭിച്ചു. നടപടികള്‍ എന്‍ഐഎ ക്യാമറയില്‍ പകര്‍ത്തും
എം ശിവശങ്കറിന് ക്ലീന്‍ ചിറ്റ് നല്‍കിയിട്ടില്ലെന്ന് കസ്റ്റംസ് വൃത്തങ്ങള്‍ പറയുന്നു. കള്ളക്കടത്തിലെ പങ്കറിയാന്‍ സ്വപ്നയെ ചോദ്യം ചെയ്യണമെന്നും കസ്റ്റംസ് പറഞ്ഞു.
അതേസമയം, സ്വര്‍ണക്കടത്തിലെ മുഖ്യ ആസൂത്രകര്‍ സന്ദീപും റമീസുമാണെന്ന് കസ്റ്റംസ് പറഞ്ഞു. പണം മുടക്കാനും വില്‍ക്കാനും ആളെ കണ്ടെത്തിയത് ജലാല്‍ ആണ്. ലാഭം വിതരണം ചെയ്തതും ജലാലെന്ന് കസ്റ്റംസ് പറഞ്ഞു. സ്വര്‍ണക്കടത്തിന് പണമിറക്കിയവരില്‍ അംജത് അലിയും മുഹമ്മദ് ഷാഫിയും ഉണ്ട്. സ്വര്‍ണം കടത്താനുപയോഗിച്ച അംജത് അലിയുടെ കാര്‍ കസ്റ്റഡിയിലെടുത്തിട്ടുണ്ട്..
