കൊച്ചി: വിവാദ നടപടിയുമായി വീണ്ടും കൊച്ചി ഡിസിപി ഐശ്വര്യ ഡോങ്റെ. കളമശേരി പോലീസ് സ്റ്റേഷനില് വെന്ഡിംഗ് മെഷിന് സ്ഥാപിക്കാന് മുന്കൈയെടുത്ത പോലീസ് ഉദ്യോഗസ്ഥനെ സസ്പെന്ഡ് ചെയ്ത സംഭവമാണ് വിവാദമായത്. മേലുദ്യോഗസ്ഥരെ അറിയിക്കാതെ ഉദ്ഘാടനം നടത്തിയെന്നും മാധ്യമങ്ങള്ക്ക് അഭിമുഖം നല്കിയെന്നുമാണ് സസ്പെന്ഷന് കാരണമായതെന്ന് ഉത്തരവില് പറയുന്നു. സിവില് പോലീസ് ഉദ്യോഗസ്ഥന് സി.പി. രഘുവിനെയാണ് ഐശ്വര്യ നടപടി സ്വീകരിച്ചത്.
സ്റ്റേഷനില് പരാതിയുമായി എത്തുന്നവര്ക്ക് വേണ്ടിയായിരുന്നു വെന്ഡിംഗ് മെഷിന് സ്ഥാപിച്ചത്. അതേസമയം ഉദ്ഘടനത്തിനു ഡിസിപിയെ ക്ഷണിക്കാതിരുന്നതിനാലാണ് സസ്പെന്ഷന് എന്നാണ് പോലീസുകാര്ക്കിടയിലെ സംസാരം. ഡിസിപി ഐശ്വര്യ ഡോങ്റെ ഇതാദ്യമായല്ല വിവാദങ്ങളിലിടം നേടുന്നത്. നേരത്തെ ഐശ്വര്യ മഫ്തി വേഷത്തിലെത്തിയപ്പോള് പോലീസ് സ്റ്റേഷനിലേക്കു കടത്തിവിടാതെ തടഞ്ഞ വനിതാ പോലീസുകാരിക്കെതിരെ നടപടി സ്വീകരിച്ചതും ഏറെ വിവാദം സൃഷ്ടിച്ചിരുന്നു.
