തിരുവനന്തപുരം: നിയമസഭയില്‍ മാസ്‌ക് ധരിക്കാതെ ഇരിക്കുന്ന എംഎല്‍എമാരെ വിമര്‍ശിച്ച് ആരോഗ്യമന്ത്രി കെ.കെ ശൈലജ. എംഎല്‍എമാര്‍ മാസ്‌ക് മാറ്റി സംസാരിക്കുന്നത് ശരിയല്ലെന്നും ചിലര്‍ മാസ്‌ക് താഴ്ത്തിവച്ച് ഇരിക്കുകയാണെന്നും ആരോഗ്യമന്ത്രി ചൂണ്ടിക്കാട്ടി.
നിയമസഭാ സമ്മേളനത്തില്‍ പങ്കെടുത്ത നാല് എംഎല്‍എമാര്‍ക്ക് കോവിഡ് സ്ഥിരീകരിച്ച സാഹചര്യത്തിലാണ് എംഎല്‍എമാരുടെ ഇത്തരം പ്രവണത ചൂണ്ടിക്കാട്ടി ആരോഗ്യമന്ത്രി രംഗത്തെത്തിയത്. കൊല്ലം എംഎല്‍എ മുകേഷ്, പീരുമേട് എംഎല്‍എ ബിജിമോള്‍, കൊയിലാണ്ടി എംഎല്‍എ കെ.ദാസന്‍, നെയ്യാറ്റിന്‍കര എംഎല്‍എ കെ.ആന്‍സലര്‍ എന്നിവര്‍ക്കാണ് നേരത്തെ കോവിഡ് സ്ഥിരീകരിച്ചത്.
