ചെമ്പക കിന്‍ഡര്‍ ഗാര്‍ഡന്റെ പതിനൊന്നാമത്തെ സ്ഥാപനം വെഞ്ഞാറമൂടില്‍ ആരംഭിക്കുന്നു. ഡിസംബര്‍ 31 ന് നാല് മണിക്ക് നടക്കുന്ന ഉദ്ഘാടന ചടങ്ങില്‍ മലയാളത്തിന്റെ പ്രിയതാരം സുരാജ് വെഞ്ഞാറമൂട് മുഖ്യാതിഥിയായെത്തും.
പ്രീ-സ്‌കൂള്‍ വിദ്യാഭ്യാസ സമ്പ്രാദായത്തില്‍ തനതായ രീതി ലക്ഷ്യമിട്ട് 1984ല്‍ വെര്‍നോണും ഡാഫ്‌നെ ഗോമസും ചേര്‍ന്നാണ് ചെമ്പക കിന്റര്‍ഗാര്‍ഡന്‍ തുടങ്ങിയത്. തിരുവനന്തപുരത്തെ പത്ത് ശാഖകളും ഗുണനിലവാരമുള്ള വിദ്യാഭ്യാസത്തിന്റെ കാര്യത്തില്‍ മുന്‍നിരയിലാണ്.
പ്രീ-സ്‌കൂളില്‍ തുടങ്ങി ഇപ്പോള്‍ എല്ലാ തലത്തിലുള്ള സ്‌കൂള്‍ വിദ്യാഭ്യാസവും ഉള്‍പ്പെടുത്തി വിപുലീകരിച്ചു. 2019 ല്‍ ഗ്രൂപ്പ് യുഎഇ ആസ്ഥാനമായുള്ള അഥീന എഡ്യൂക്കേഷന്‍ സ്ഥാപനം ഏറ്റെടുത്തു. സമ്മര്‍ദമില്ലാത്ത പഠനരീതിയാണ് ചെമ്പക മുന്നോട്ട് വെക്കുന്നത്.
തലസ്ഥാനത്തെ സ്‌കൂള്‍ വിദ്യാഭ്യാസ രംഗത്ത് നടക്കുന്ന കടുത്ത മത്സരത്തില്‍ കഴിഞ്ഞ മൂന്ന് ദശകങ്ങളില്‍ L’école ചെമ്പക സൊസൈറ്റി ഫോര്‍ എഡ്യൂക്കെയര്‍ ഒരു പ്രത്യേക ഇടം സ്വന്തമാക്കി. L’école Chempaka ‘Silver Rocks’, L’ècole Chempaka ‘Serene Valley,’ ICSE പാഠ്യപദ്ധതി സ്‌കൂളുകള്‍, കേംബ്രിഡ്ജ് പാത്ത് വേ സ്‌കൂളായ L’ècole Chempaka International, എന്നിവ സൊസൈറ്റി നടത്തുന്ന സ്‌കൂളുകളാണ്.
